პატრიარქობის ერთ-ერთი კანდიდატი მეუფე გრიგოლი მიიჩნევს, რომ მეუფე ისაიას მიმართვის არგათვალისწინება და პატრიარქობის კანდიდატობის დიპლომზე დაყვანა, წარმოუდგენელი და უხერხულია.
მისივე თქმით, საკითხი ფორმალური კრიტერიუმებით არ უნდა გადაწყდეს და თითოეული კანდიდატის მიმართ ინდივიდუალური მიდგომაა საჭირო, ხოლო საბოლოო არჩევანი მღვდელმთავრების გადაწყვეტილებასა და ეკლესიის კურთხევაზე იქნება დამოკიდებული.
“არ მინდა ახლა ასეთი შედარება მოვიტანო, ამ საკითხის უბრალოდ დიპლომზე დაყვანა, მშრალად, წარმოუდგენელია. თუ მშრალად გავყვებოდით ამას, ცოტა უხერხულ მდგომარეობაში აღმოვჩნდებოდით, იმიტომ, რომ მარტო ისაია არა, აღმოჩდნენ არა ერთი და ორი და მათ შორის ჩვენ მღვდელმათვრები ვართ ყველა – დიპლომიანებიც და უდიპლომოც. და მაინც თუ ჩვენ ამ ფორმალობასაც ყურადღებას მივაქცევდით, მეუფე ისაია არის კერძო შემთხვევა, ამას განხილვა სჭირდებოდა როგორც კერძო შემთხვევას.
ადამიანები თავისუფალნი არიან თავის არჩევანში. თაის გულში ვის რა უდა, ეს ერთია, მაგრამ არჩევანს აკეთებენ მღვდემთავრები და ბუნებრივია, რომ როგორც ისინი გადაწყვეტენ, ისეც იქნება და მერე ეს უნდა დამტკიცოს სული წმინდამ კურთხევის ჟამს. ეს იქნება კულმინაციური მომენრი ამ მნიშვნელოვანი, ისტორიული დღის.
ისე, გეტყვით, რომ საპატრიარქო არჩევნები განსაკუთრებით საქართველოსთვის, ეს არის ზოგადეროვნული მნიშვნელობის მოვლენა გამომდინარე იქიდან თუ რა როლი აქვს ჩვენი ერის ისტორიაში – მამული, ენა სარწმუნოება. მისმა უწმინდესობამ თავისებურად გამოტქვა ეს ტრიადა და ღმერთი, სამშობლო, ადამიანი… არცერთი პოლიტიკური, სამოქალაქო თუ სხვადასხვა ინსტიტუციები არ არის იმ ასაკისა, რა ასაკისაც ეკლესიაა, – თქვა მეუფე გრიგოლმა.
კომენტარები