„საოცარ ოპტიკურ ილუზიას ქმნის ემიგრაცია ფეისბუქზე,“ – წერს სოციალურ ქსელში ჟურნალ „ტაბულას“ დამფუძნებელი თამარ ჩერგოლეიშვილი.
მისი თქმით, ემიგრაციაში წასული ქართველები სოციალურ ქსელში დიდი აქტიურობით გამოირჩევიან და ძირითადად ჭკუის სწავლებით არიან დაკავებული.
„დილიდან ჩამოვსქროლე და უამრავი ჭკუის რიგება დამხვდა, როგორ უნდა მოვიქცეთ აქ, ამაზე – პროფილებზე გადავედი, ყველა ემიგრანტია.
მეც ვიყავი ამ ქვეყნიდან წასული 2000-2006 წლებში. არასოდეს ქართული პოლიტიკური პროცესისთვის თვალის დევნება არ შემიწყვეტია.
მაგრამ არასოდეს მომსვლია თავში აზრად, აქ ვინც იბრძოდა მისთვის ჭკუა მესწავლებინა. არა იმიტომ რომ ჭკუა არ მაქვს, ან შეხედულებები არ გამაჩნდა, ან მნიშვნელოვანი ცვლილებების დრო არ იყო, არამედ იმიტომ, რომ ვაცნობიერებდი, რომ მე აქ არ ვარ და დაკარგული მაქვს ბმა რეალობასთან, ვერ ვგრძნობ პროცესს, საფრანგეთიდან არ ჩანს.
არ ვიცი! – “არ ვიცი” იყო ის, რაც თავშეკავებას მაიძულებდა,“- წერს თამარ ჩერგოლეიშვილი და აღნიშნავს, რომ შორიდან პროცესების აღქმა გადაჭარბებულია და ამას ხშირად იმედების გაცრუება მოჰყვება ხოლმე.
„დიდი როლი ითამაშა აქედან გადახვეწილი ხალხის დამახინჯებულმა აღქმებმა იმ ილუზიების შექმნაში, რაც ცრუვდება (თან ნოსტალგია განსაკუთრებულად აქტიურებს ხდის როგორც ჩანს). მეგობრებო, მეც მინდა რომ სამშობლოში დაბრუნება შეძლოთ და კარგად იყოთ, მაგრამ ეგ სასურველის რეალობად გასაღებით, არ გამოვა,“- მიმართავს ჩერგოლეიშვილი ემიგრანტებს.
კომენტარები