ფოტო – პალიტრავიდეო
ვაგზლის მოედანზე მოვაჭრეები აქციას მართავენ. ისინი მუნიციპალური ტრანსპორტის აღდგენამდე იჯარის გადასახადის განახევრებას ან მისგან სრულად გათავისუფლებას ითხოვენ.
როგორც მოვაჭრეები ამბობენ, მას შემდეგ, რაც ტრანსპორტი აიკრძალა, ხალხი ბაზრობაზე აღარ დადის, ადმინისტრაცია კი ანგარიშს არ უწევს.
მოვაჭრეები მერიის წარმომადგენლებთან შეხვედრას ითხოვენ და ამბობენ, რომ არ დაიშლებიან მანამდე, ვიდრე მათი მოთხოვნა არ დაკმაყოფილდება.
“მეტირება… მინდა, რომ ვიმუშაო… რითი ვიარსებო, რა მნიშვნელობა აქვს, რითი მოკვდები” – ამბობს ერთ-ერტი ქალბატონი.
“ოცი წელი ვართ ამ ბაზარში და პირნათლად ვიხდით ამ გადასახდს, რა მოხდება 1-2 თვე შეღავათი გაგვიწიონ. მართლა ვიხრჩობით და ხალხი არ შემოდის სანამ ტრანსპორტი აღდგება, არ შეიძლება ჩვენს მდგომარეობაში რომ შევიდნენ?”- ამბობს ერთ-ერთი მოვაჭრე.
საკოორდინაციო საბჭოს გადაწყვეტილებით, 14 აგვისტოდან 3 სექტემბრის ჩათვლით საქართველოში გარკვეული შეზღუდვები ამოქმედდა. კერძოდ კი, ამ პერიოდის განმავლობაში, შეიზღუდა საზოგადოებრივი ტრანსპორტის მოძრაობა. ასევე, აიკრძალა გასართობი ღონისძიებების, ფესტივალებისა და კონცერტების გამართვა.
კვების ობიექტები კი 23:00 საათის ნაცვლად, 22:00 საათზე იხურება.
კომენტარები