მესტიის მუნიციპალიტეტიდან, რუხის საავადმყოფოში შეყვანილ პაციენტს კორონავირუსი დაუდასტურდა. რუხის საავადმყოფოს კლინიკური დირექტორის მოვალეობის შემსრულებლის, მაიკო ჯანაშიას ინფორმაციით, 26 წლის ქალი მესტიიდან 16 აგვისტოს შეიყვანეს, მისი სწრაფი ტესტის პასუხი დადებითი იყო. 17 აგვისტოს ქალს ჩაუტარდა PCR-კვლევა, რომლის პასუხიც ასევე დადებითი იყო.
მაიკო ჯანაშიაც განცხადებით, პაციენტი ბოქსირებულ განყოფილებაში მკურნალობს და მისი ჯანმრთელობის მდგომარეობა სტაბილურია.
ამ დროისთვის რუხის კლინიკაში 11 კოვიდინფიცირებული პაციენტი მკურნალობს. მათგან ექვსს ორმხრივი პნევმონია აქვს, მათ შორის ერთი მცირეწლოვანია.
კომენტარები