პარტია “საქართველოსთვის” ერთ-ერთი ლიდერი, ნათია მეზვრიშვილი:
“უმნიშვნელოვანესი არჩევნების წინ გახარია გამოვიდა და დებატებში გამოიწვია კალაძე და მელია.
იგივეს აკეთებენ პარტია „საქართველოსთვის“ სხვა ლიდერებიც. დებატების მიზანია, საზოგადოებას გავაცნოთ პარტიის ხედვა, ვილაპარაკოთ ქვეყნის და ხალხის საჭიროებებზე, რაც ურთიერთდაპირისპირების და ჭორაობის პირობებში, დღეს ყველას დაავიწყდა და მხოლოდ პარტიას „საქართველოსთვის“ და გახარიას ახსოვს.
ამ ფონზე, დებატებისთვის თავის არიდების მიზნით, ქართული ოცნების მერობის კანდიდატი, საზოგადოების ყურადღების გადატანას რაღაც კამპანიაზე ცდილობს, ხოლო ნაციონალური მოძრაობის კანდიდატი ისეთი გონორით გველაპარაკება 20 ივნისზე, თითქოს შტურმით არ იღებდა პარლამენტს, რაზეც პოლიტიკური პასუხისმგებლობა ერთხელაც არ აუღია (უფრო მეტიც, სინანულიც არ გამოუხატავს).
მესმის, რომ გახარიასთან დებატები თქვენთვის მძიმეა, მაგრამ იქნებ გამოიჩინოთ გამბედაობა, არ დაიმალოთ, მიზეზების ძებნას შეეშვათ, აიღოთ პასუხისმგებლობა ამომრჩევლის წინაშე და გააკეთოთ ის, რაც როგორც მერობის კანდიდატებს გევალებათ.
#ქვეყანა და #ხალხი უპირველეს ყოვლისა. #საქართველოსთვის“
კომენტარები