ისტორიკოსი ბექა კობახიძე:
აქ უნდა ვყოფილიყავი მე. ღონისძიებამდე ორი დღით ადრე გარდაიცვალა ჩემი სიმამრი და ბუნებრივია ვეღარ წავედი. დავურეკე საელჩოს, ბოდიში მოვუხადე და შევთავაზე მე მოგიძებნით შემცვლელსთქო. მერე დავურეკე ირაკლის და არ მცალიაო. მერე კიდევ რამდენიმე მეგობარს დავურეკე და ასე ნაუცბათევად არავის ეცალა. ესენი იყვნენ David Bragvadze და Davit Jishkariani . მერე ისევ ირაკლის დავურეკე და ძალიან ვთხოვე. უარი ვეღარ მითხრა.
აი ამაზე წერს ქვეყნის პარლამენტის თავმჯდომარე, რომ თურმე ქვეყნის წინაშე დიდი შეთქმულება გათამაშებულა. მერე შეაგინებ და გაკვირვებული სახეებით გიყურებენ, რატომო.
ცნობისთვის, შალვა პაპუაშვილმა განაცხადა:
“მომავალი აქვს მას, ვინც იცნობს საკუთარ წარსულს” – გერმანიის საელჩომ ჰუმბოლდტის ეს სიტყვები გაიმეორა და სცენა მიხეილ სააკაშვილის “ნაციონალური მოძრაობის” საპარლამენტო სიის მე-8 ნომერს (!), ირაკლი ხვადაგიანს დაუთმო.
ძნელია, წარმოიდგინო იმაზე მეტი ცინიზმი, ვიდრე, წარსულის გააზრებაზე სასაუბროდ სააკაშვილის პროპაგანდისტის და მისი ექსტრემისტული იდეების მიმდევრის მიყვანაა. და ამ ყველაფერს, პარლამენტის საგამოძიებო კომისიაში ადამიანური ტრაგედიების მოსმენის ფონზე, აორგანიზებს უცხოური საელჩო, რომელიც სააკაშვილის რეჟიმის ამ დანაშაულებს არ ხედავს.
მართლაცდა, როგორც ჰუმბოლდტი იტყოდა: “ყველაზე საშიში მსოფლმხედველობა აქვთ მათ, რომელთაც მსოფლიოსთვის არასდროს შეუხედავთ”.
კომენტარები