“მერაბიშვილის, ახალაიას მხრიდან დეპრესიები არ ყოფილა, ერთწლიანი პატიმრობით დაასამარა მომავალი” – ძიძიგური

„კონსერვატიული პარტიის“ ლიდერი, ზვიად ძიძიგური “პალიტრავიდეოსთან” მიხეილ სააკაშვილზე საუბრისას, ამბობს:

„მიხეილ სააკაშვილი ჩამოვიდა საქართველოში, აღმოჩნდა ციხეში და დაეწყო დეპრესია. შემდეგ მან განაცხადა, რომ მიდის პოლიტიკიდან და არ გაეკარება საქართველოს პოლიტიკურ სივრცეს, თუკი მას გაათავისუფლებენ; შემდეგ მისი ჯანმრთელობის მდგომარეობა გაცილებით უფრო მძიმეა, ვიდრე წარმოედგინა მტერსა თუ მოყვარეს… მან პოლიტიკური აქტივობა ხვალ და ზეგ რომ ისეთი ეფექტურობით წამოიწყოს, როგორიც ჩვენ გვახსოვს, გამორიცხულია. რადგან მან ერთწლიანი პატიმრობით დაასამარა თავისი პოლიტიკური მომავალი.

[სააკაშვილმა], მარტივად რომ ვთქვათ, ვერ გაძლო ციხეში, ვერ გაუძლო ამ განსაცდელს, – რომელიც არის საკმაოდ დიდი განსაცდელი, – მაგრამ პოლიტიკაში თუ ხარ და თან, მით უმეტეს, ოპოზიციონერი პოლიტიკოსი თუ ხარ, ციხისთვის მზად უნდა იყო ფსიქოლოგიურად. ოპოზიციონერები მსხდარან ციხეში, ვანო მერაბიშვილი, ბაჩო ახალაია, ნიკა გვარამია ზის ახლა და, მე მგონი, მათი მხრიდან დეპრესიები და „ოღონდ გამიშვი და პოლიტიკიდან წავალ“ არ ყოფილა“. თუმცა ამას ნიშნის მოგებით არ ვამბობ, არ ვამბობ, როგორც მისი ყოფილი, ძალიან აქტიური ოპონენტი.”