სოფელ გუშჩუში მდებარე გაგის ციხეზე დაზიანებული ჯვარი ისევ აღმართეს. მარნეულისა და ჰუჯაბის ეპარქიის წარმომადგენლები ამბობენ, რომ ეს რელიგიურ ნიადაგზე შუღლის გაღვივების მცდელობაა. მათივე განცხადებით, ხელისუფლებას ვანდალიზმის ფაქტებზე დროული რეაგირება უნდა ჰქონდეს.
“შესაბამისმა უწყებებმა იქ უნდა დააყენონ სათვალთვალო კამერები და გუშაგიც უნდა დააყენონ. თუ მათთვის ეს არაფერს წარმოადგენს, თუ მესაუბრებით ხელისუფლების სისუსტეზე ეს სიძლიერე არის აბა? მეორედ განმეორდა ეს ფაქტი და ეს სიძლიერე არის?” – განაცხადა მეუფე გიორგიმ.
ადგილობრივი სამოქალაქო აქტივისტები აცხადებენ, რომ აუცილებლად უნდა დადგეს იმ ადამიანების პასუხისმგებლობის საკითხი, რომლებმაც ვანდალიზმი ჩაიდინეს.
“ჩვენ არ ვიცით პირველ შემთხვევაში გამოძიება როგორ დასრულდა და სამწუხაროდ არ ვიცით შედეგი, შესაბამისად მეორედაც მოხდა. გუშინ მუსლიმურ სამყაროში იყო რამადანის დღესასწაული, მარხვის ბოლო დღე. მე ცოტა ეჭვი მეპარება, რომ ამ დღეებში ვინმეს რელიგიური სიმბოლოს მიმართ მსგავსი ვანდალიზმი ჩაედინა”, – განაცხადა სამირა ბაირამოვამ.
წყარო – მთავარი
კომენტარები