მელია არ წარმოადგენს არც “ოცნების“ და აღარც უცხოელი კოლეგების დღის წესრიგს – შეთანხმება უკვე შედგა – გურამ მაჭარაშვილი

საპარლამენტო უმრავლესობის წევრმა გურამ მაჭარაშვილმა განაცხადა:

„გასაგებია, რომ მელია არ არის სახარბიელო მდგომარეობაში, თუმცა ეს არ წარმოადგენს არც „ქართული ოცნების“ და უკვე აღარც ჩვენი უცხოელი კოლეგების დღის წესრიგს იქედან გამომდინარე, რომ შეთანხმება უკვე შედგა.

პოლიტიკური ცხოვრება უკვე დაწყებულია. შესაბამისად, თუ „ნაციონალური მოძრაობა“ და მელია ჩათვლიან საჭიროდ, რომ ამ პროცესს უნდა შემოუერთდნენ, ბუნებრივია, ეს მათი გადასაწყვეტია.

ყოველ შემთხვევაში, საქართველოს პარლამენტს აქვს ლეგიტიმაცია ჩვენი უცხოელი კოლეგების მხრიდან, ახალი პოლიტიკური ცხოვრება უკვე დაიწყო, რაზეც შესაბამისი განცხადებები გააკეთა როგორც შეერთებული შტატების ელჩმა, ასევე ევროკავშირმა. გამომდიანრე აქედან, ჩვენ საქართველოს პარლამენტში, შესაბამისად, სასესიო სხდომებზე ველოდებით ყველა ოპოზიციონერს, რომელმაც მოაწერა ხელი ან რომელსაც სურვილი აქვს, მოაწეროს ხელი.

პრაქტიკულად, ეს ნიშნავს, რომ ისინი მარტო აღმოჩნდნენ იქ, სადაც ალბათ უფრო კომფორტულად გრძნობენ თავს. ყოველ შემთხვევაში, ეს მათი გადასაწყვეტია. ჩვენი ევროპელი და ამერიკელი კოლეგების რეკომენდაციებით და საქართველოს საზოგადოების შეთანხმებით, საქართველოში უკვე ხელოვნური კრიზისიც დასრულებულია და პოლიტიკური პროცესი ახლებურად დაწყებულია”