პოლიტიკოსი, ეკა ხერხეულიძე, ნიკა გვარამიაზე საუბრისას, “ტვ პირველთან”, გადაცემა “რეაქციაში” ამბობს:
–მეჩხუბება ნიკა ამაზე, მაგრამ მედიისთვის ეს ადამიანი მართლა უადგილოა, ეს არის ადამიანი, რომელსაც უსმენენ გაცილებით უფრო ფართო საზოგადოებაში, ვიდრე წარმოგვიდგენია და მის, პატიმრობაში აზრს ადამიანებზე აქვს გაცილებით მეტი ზეგავლენა, ვიდრე აქამდე.
მინდა ხაზი გავუსვა, ეს არ არის იმ მასშტაბის ადამიანი, რომელმაც მხოლოდ მედიის საქმე უნდა აკეთოს, თუნდაც ბრძოლის ველზე, ნიკა სხვა მასშტაბის ადამიანია. მართლა არ მგონია ამ უნარების მატარებელი ადამიანი იყოს მხოლოდ მედიაში. თვითონ წინააღმდეგია და მოცულია მთლიანად “მთავარის” პრობლემებით, იმ გაუსაძლის მდგომარეობასთან, რაც მის თანამშრომლებს აქვთ, თვეების განმავლობაში უხელფასოდ მუშაობენ და ისინი ელოდებიან ნიკას. ნიკა აღარ არის მენეჯერი ერთი კონკრეტული ტელევიზიის…
ინგა გრიგოლია:
–გინდათ დაინახოთ ოპოზიციის ლიდერად?
ეკა ხერხეულიძე
–ოპოზიციის ლიდერად კი არა, ოპოზიციის რიგებში მინდა დავინახო. უმრავლესობა ოპოზიციურად ვართ განწყობილი, მაგრამ ასეთი ზეგავლენა არ გვაქვს ხალხზე. ნიკა ძალიან კარგად აფასებს რეალობას, თვლის, რომ დღეს ბიძინა ივანიშვილისთვის არ არის პრაგმატულად მომგებიანი, ნიკა იყოს გარეთ და შეუერთდეს იმ ფორმატს, რომელსაც ყველა ერთიანად ვაწარმოებთ. ადამიანს, რომელსაც მთელ სახელმწიფო, რეპრესიული მანქანა უპირისპირდება, ვერაფერში ბრალი ვერ დასდეს და შეუკერეს ასეთი ცინიკური საქმე, სადაც კერძო კომპანიის მანქანის გამოყენებაზეა საქმე.
კომენტარები