ყოფილი დეპუტატი, ხათუნა ხოფერია, სოციალურ ქსელში, წერს:
“25-ში ვიცრები…
ყოლიფერს გეტყვით დაუმალავად!…
ანალიზებს გავიკეთებ აცრამდე, აცრის შემდეგ, 1 თვის შემდეგ, 3 თვის შემდეგ… და ასე შემდეგ, თუ გადავრჩი…
ამის მერე, დავთანხმდები ჩემი შვილების, შვილიშვილების აცრას….
მე ვარ ანტივაქსერი!
მე არ მეშინია კოვიდის…
რა ვქნა, არ მეშინია და ვფიქრობ, რომ გადავიტანე ურთულესი ფორმით, მანამ სანამ გამოაცხადებდნენ… 29 დეკემბრიდან 2019 წლის 7 მარტამდე 2020 წლის… 2-ჯერ გადამიყვანა სასწრაფომ სუნთქვის უკმარისობით, გალურჯებული… სიცხიანი… 91 სატურაციით… 7 მარტის შემდეგ ავად არ გავმხდარვარ… 3 კვირის წინ დავკარგე ყნოსვა და გემო 2 დღით… მქონდა სურდო…ჩავიტარე პისიარი, მისიარი, ტესტი-1, ტესტი-2…. თავისით გამიარა…
მოკლედ, ამას იმიტომ ვწერ, რომ ვთვლი, კოვიდი არის ჩვეულებრივი ვირუსი და ზოგი ადვილად გადაიტანს, ზოგი რთულად… ზოგი საერთოდ ვერ გადაიტანს… სამწუხაროდ, როგორც ყოველთვის. გავეცანი გარდაცვალების სტატისტიკას (ხელმისაწვდომია. შეგიძლიათ ნახოთ) წლების მიხედვით. გარდაცვლილთა საერთო რაოდენობა 2020 წელს არ შეცვლილა. 2016 წელს გარდაცვლილთა რიცხვი მეტი იყო ვიდრე 2020-ში. (მაშინ არსებობდა რაღაც ვირუსი, სახელი არ მახსოვს).
მოკლედ, ამას იმიტომ ვწერ, რომ ჩემ მეგობრებს შორის არის დავა და მსუბუქი შელაპარაკება. ყველანი დავიძაბეთ და გადაგვიყვანეს ჭკუიდან. ერთი სიტყვა არ მითქვამს აქამდე ამ “პანდემიაზე” და ახლა, ვიტყვი, რომ არ მინდა დავიჯერო და არც მჯერა ვერსიების ვაქცინის გენური ზემოქმედების შესახებ. კაციბრიობის წინააღმდეგ მიმართული შეთქმულების და ტვინზე ზემოქმედებით ადამიანების მანქურთიზაციის.
ჩემი “ღრმა რწმენით”, უბრალოდ, ამ ვირუსის გამოჩენა დაემთხვა ამერიკის პრეზიდენტის არჩევნებს, ჩინეთ- რუსეთის დამეგობრებას და ჩინეთ- ამერიკის ურთიერთობების დაძაბვას, ევროპაში მასობრივ ანტილიბერალურ გამოსვლებს, რომელსაც თან დაერთო ეკონომიკური კრიზისი და კიდევ რამოდენიმე გლობალური პოლიტიკურ ფაქტორი.
ჰო და, ახლა, ყველაფერი კარგადაა!!!
ვაქცინები იყიდება ტიფას, ისეთი რაოდენობით!
ყველა მთავარმა აქტორმა დიდი ფული იშოვნა!
ამერიკამ, რუსეთმა, ჩინეთმა!
ჯანმოც კმაყოფილია და მსოფლიო წამლის ბარიგებიც!
ცოტაც და ფაიზერი წამალსაც გამოუშვებს… ეს დაემთხვევა მე-4 ეტაპს “პანდემიის”!
ჩვენ ყველანი ვიქნებით აცრილები და კოვიდის დაძლევაც ვაქცინას და წამალს “დაბრალდება”!
მთავარია, ჩვენ არ ვიჩხუბოთ და არ იყოს ომი!
ომი ხომ ნამდვილად გაზრდის სიკვდილიანობის საერთო სტატისტიკას და არც წამალი უშველის და არც ვაქცინა!
მოკლედ, 25- ში ვიცრები!
მექნება 2 პასპორტი და უნიღბო თავისუფლება!
იმედია, რაღაც პროცენტს ჩემი ქვეყანაც მიიღებს, ამ წამლის საერთაშორისო ბარიგებისგან!
ისე, მელია გამოვიდა თუ ისევ გაჭიჭინებულია?…
დეგნანმიშელის ხელსეკრულება სრულდება თუ ჯერ ისევ სუვერენული სახელმწიფო ვართ?…
– ჩამევიდა ბიჭი?…
-არ ჩამოსულა, არა! არ გააჭირა საქმე..
ასეა, ეს ცხოვრება…
რამდენი იტყვის, ალბათ, ამან კიდე არ გააჭირა საქმეო….”
კომენტარები