“მე უზომოდ მესაყვარლებიან არაქართველი კურიერები, ბავშვებივით რომ განიცდიან, მარჯვედ თუ ვერ მოაგნეს მისამართს” – ფანჯიკიძე

ფსიქოლოგი, ნათია ფანჯიკიძე, სოციალურ ქსელში გავრცელებულ კამპანიას, არ მიიღონ შეკვეთა, რომელსაც არაქართველი კურიერი ასრულებს, ეპასუხება და წერს:

თქვენი არ ვიცი და მე უზომოდ მესაყვარლებიან არაქართველი კურიერები, ბავშვებივით რომ განიცდიან, მარჯვედ თუ ვერ მოაგნეს მისამართს. ვვარაუდობ, რომ მათი უმეტესობა სამედიცინოს, ან სხვა უნივერსიტეტის სტუდენტია. სტუდენტებს კი არასდროს ჰყოფნით მშობლის გამოგზავნილი ფული. მყავდნენ სამედიცინო უნივერსიტეტში ინდოელი და სხვა ეროვნების სტუდენტები და ეს ხალხი ძალიან მიყვარს. იმედი მაქვს, ამ სასტიკ ინიციატივას, არ მისცენ მათ მუშაობის უფლება, არ ექნება ბევრი ადამიანის მხარდაჭერა.