ელგუჯა ცომაია, რომელის დახმარებითაც მიხეილ სააკაშვილი ქვეყანაში შემოვიდა, “ტვ პირველთან” ამბობს, რომ როცა უთხრეს, მიხეილ სააკაშვილი უნდა წამოეყვანა, 15 წამში უკვე პასუხი გასცა, რომ თანახმაა და მიუხედავად იმისა, რომ ის რამდენიმე თვე უკვე იჯდა ციხეში და 68 წლის ასაკში 6 წლიანი პატიმრობა ემუქრება, აცხადებს, რომ არ ნანობს.
ელგუჯა ცომაია ჰყვება, რომ ბათუმში ყოფნისას, საკონტაქტო პირმა, სააკაშვილის თბილისში წამოყვანა სთხოვა, შეკვეთილში, ივანიშვილის რეზიდენციას რომ უახლოვდებოდნენ, სააკაშვილი მძღოლის გვერდით იჯდა. ამ დროს ავტომობილს პატრული აედევნა.
ელგუჯა ცომაია:
“პატრულმა რომ გაგვაჩერა, პრეზიდენტი იჯდა ჩემ გვერდით. არ ვიცი, იცნეს, არ იცნეს, ჩამაბერინეს, ჯარიმა გამომიწერეს და გამომიშვეს. შეხედა პატრულმა, ალბათ, ვერ იცნო, არ ვიცი. პატრული რომ წავიდა, შევეკითხე, ახლა თქვენ რომ ყოფილიყავით (მთავრობაში) რას იზამდით მეთქი და ორივე მინისტრს მოვხსნიდიო, “უშიშროების” და შს მინისტრსო. ეს იყო მაგის სიტყვები.”
კომენტარები