კვირაზე მეტია, საზოგადოება განიხილავს ლევან ბერძენიშვილის ნათქვამ ფრაზას ერეკლე მეორეზე: თელავში ერეკლე მეორეს მხარდასაჭერად აქცია გამართეს, ინტერნეტში კი პეტიცია შეიქმნა მოთხოვნით, აეკრძალოს ლიტერატორს ლექციების ჩატარება სტუდენტებისთვის.
ლევან ბერძენიშვილი:
“პრობლემა იმაში, რომ ხალხს სერიოზულად ჰგონია, რომ ლევან ბერძენიშვილმა თქვა რაღაცა ერეკლეზე ახალი. მე რაც ვთქვი, ეს არის ის, რაც თქვა ნიკოლოზ ბარათაშვილმა, ილია ჭავჭავაძემ, რომელმაც თქვა, რუსეთთან შეერთება საქართველოს სიკვდილი იყო. ო, როგორ არ უნდათ ამის გაგონება, მაგრამ, აბა, ახლა ილიას ხომ არ დაუწყებენ.
ივანე ჯავახიშვილმა თქვა, რაც იყო ტრაქტატი და რაც ქნა იმ კაცმა, ჩემთან რა პრეტენზია აქვთ?
ეს ყველაფერი კეთდება ბიძინას საამებლად და ერეკლე არაფერ შუაშია, იმავე გამოსვლაში ბიძინაზე იყო კრიტიკული ნათქვამი: “ასეთი უწიგნური ხელისუფლება ჩვენ ჯერ არ გვყოლია, ჩვენ გვყავს ფაქტობრივი ხელმძღვანელი, რომელმაც არ იცის არც ერთი ენა, მათ შორის, ქართული, ბიძინა ივანიშვილმა არ იცის ქართული, არ იცის რუსული, არ იცის ფრანგული, არც ერთი ენა არ იცის და რომ ლაპარაკობს იმერულ დიალექტზე, ისიც არ იცის.”
დღევანდელი ხელისუფლების მხარდამჭერი ერთი ადამიანი არ მოიძებნა, რომელიც იტყოდა რომ, კი, სისულელე თქვა, დეგენერატია, მაგრამ სტუდენტებთან… ერთი არ მოიძებნა, წარმოგიდგენიათ?
თუ წამართმევენ სტუდენტებთან მისვლის უფლებას, რამენაიდან სხვანაირად მივალ, იმიტრომ, რომ მე ამ ლაპარაკს ვერ მოვიშლი, სანამ ცოცხალი ვარ.
თუ ჩვენ საზოგადოებს ის ჭირი ჭირს, რაც ჭირს, უნდა გამოვლინდეს კიდევაც, ძალიან კარგია, რომ გამოვლინდა, ძალიან კარგია, რომ თელავში ტუალეტს დაახატეს ჩემი პორტრეტი.
მადლობა, რომ ჩემი ოჯახის წევრებს ჯერჯერობით არავინ არ დასხმია თავს.
მე ვიცი ერთი რამ, თუკი საზოგადოებას ასეთი რამე ჭირს და თუკი საზოგადოება მშვიდად უყურებს, რომ იდიოტები ადგენენ პეტიციას, ის საზოგადოება ავადაა.
ქართული ოცნების მხარდამჭერების უდიდესი ნაწილი, მორალურად არ არის სიმაღლეზე, აი, ასე ვიტყვი, ფრთხილად.”
წყარო – რადიო თავისუფლება
კომენტარები