“ნაციონალური მოძრაობის” თავმჯდომარეობის კანდიდატი, ლევან ხაბეიშვილი, რომელმაც შაბათს, 3 დეკემბერს, აქცია დაანონსა, “ტვ პირველთან” ამბობს:
როცა ვლაპარაკობთ პრეზიდენტ სააკაშვილის პოლიტიკაში ჩართვასთან დაკავშირებით – უკაცრავად, მაგრამ მართლა უხერხულია უკვე ამაზე საუბარი და ამაზე მუდმივი აპელირება, პრეზიდენტ სააკაშვილმა იცის, თუ არ იცის, რამდენჯერ უნდა ვთქვა მეც, მათ შორის, რომ ეს ადამიანი იმყოფება ჯანმრთელობით მძიმე მდგომარეობაში და საჭიროა მისი გადაყვანა უცხოეთში სამკურნალოდ რომ გადარჩეს.
რაც შეეხება მიხეილ სააკაშვილთან შესვლას, თვენახევრის წინ ვიყავი მის სანახავად, მაშინაც არ მისაუბრია პოლიტიკაზე, – პირადი საუბრები გვქონდა, ვნახე მისი ჯანმრთელობის მდგომარეობა. მე შემიძლია ხვალვე შევიდე, მაგრამ ეს ხომ დამატებითი სპეკულაციები იქნება, რომ აი, რა განცხადებას გააკეთებს გამოვლის მერე, მიშას პოზიციაა… თქვენ ხომ იცით, რომ მე პრეზიდენტ სააკაშვილის პოზიციას ნებისმიერ შემთხვევაში გავიზიარებ, თუ ვინმე არის ფაქტორი პოლიტიკურ ველზე ჩემთვის, არის სააკაშვილი.
დავანებოთ თავი პოლიტიკას, პარტიებს, ეს არის ჩვენი ქვეყნის ღირსების საკითხი, საქმე ეხება მიხეილ სააკაშვილი ჯანმრთელობას და სიცოცხლეს და ეს ადამიანი არ უნდა კვდებოდეს ციხეში, იმიტომ რომ ჯანდაცვის უფლებას ვერ იღებს და ამაზე ხაბეიშვილი კი არ ლაპარაკობს, საუბრობენ ექიმები, ექსპერტები.
ვიზუალურად აჩვენეთ ხალხს, რა მდგომარეობაშია სააკაშვილი – ვერ აჩვენებენ, იმიტომ რომ იციან, ამას მძიმედ შეაფასებს საზოგადოება, ეს აქცია, იქნება სოლიდარობის აქცია სააკაშვილის ჯანმრთელობის და სიცოცხლის შესანარჩუნებლად, ეს არ იქნება აქცია, სადაც ვინმეს გადადგომას მოვითხოვოთ.
აქციის მთავარი მიზანი არის ის, რომ პოლიტიკისგან დაიცალოს სასამართლო პროცესი და მოსამართლეებს პოლიტიკური დავალება კი არ მისცენ, მისცენ საშუალება სამართლებრივად გადაწყვიტონ საკითხი. არ არის, ბატონო პოლიტიკური საკითხი, ქვეყნის ღირსების საკითხია. მე და ჩემი მეგობრები ვაპირებთ 3 დეკემბერს, 3 საათზე აქციის გამართვას, არა იმ მიზნით, რომ პოლიტიკური გადაწყვეტილება იყოს მიღებული, პირიქით აპოლიტიკური იყოს გადაწყვეტილება და სამართლებრივი.
კომენტარები