ზარი ბიძინა ივანიშვილთან გადადგომის წინ – ყოფილი პრემიერი, გიორგი გახარია ინგა გრიგოლიას “რეაქციაში” ადასტურებს ინფორმაციას, რომ მან გადადგომამდე ივანიშვილთან სატელეფონო კომუნიკაციის დამყარება სცადა, თუმცა ეს კომუნიკაცია არ შედგა.
„მე მქონდა დაკავშირების მცდელობა, როცა დავრწმუნდი, რომ ადამიანები, რომებიც ამას ვერასდრის გაბედავდნენ ჩემს კომპენტენციაში ეროდნენ, მქონდა კომუნიკაციის მცდელობა, ეს არ შედგა. დავუძახე ჟურნალისტებს და გავაკეთე ის განცხადება რაც გავაკეთე”- აცხადებს გახარია.
შეგახსენებთ, რომ სკანდალური თათბირის დეტალებზე, გახარიას გადაგომის შემდეგ „ალია“ ექსკლუზიურად წერდა:
„იმასთან დაკავშირებით, თუ როგორ უნდა მომხდარიყო მელიას დაპატიმრება, ლიდერები შეიკრიბნენ. პარტიის ოფისში მისვლა დააგვიანა გახარიამ და დანარჩენები მანამდე ერთმანეთში განიხილავდნენ ვარიანტებს, თუ როგორ და რა უნდა მომხდარიყო. ძალისმიერი მეთოდი როცა ახსენეს, ვახტანგ გომელაურმა აღნიშნა, რომ მას ჰქონდა ამ თემაზე საუბარი პრემიერთან და გახარია კატეგორიული წინააღმდეგი იყო დარბევისა და მორიგი ძალადობის. გომელაურს კობახიძემ უპასუხა, ეგ შენი პრემიერი ჯიბეში მყავს და ნახავ, როგორ დაგვთანხმდებაო. ამ დროს, სწორედ ისე, როგორც ფილმებში ხდება ხოლმე, შევიდა ოთახში გახარია და კობახიძის სიტყვები გაიგონა. მან კობახიძეს უთხრა, ვის ეძახი ჯიბის პრემიერსო და შეაგინა. არც გახარიას გინებას ელოდა ვინმე და არც იმას, რომ გინების შემდეგ ის კობაიძეზე დასარტყმელად გაიწევდა. მუშტი-კრივმდე საქმე სხვებმა არ მიიყვანეს, შუაში ჩაუდგნენ პრემიერსა და პარტიის თავმჯდომარეს. ამის შემდეგ გახარიას პრაქტიკულად არ უსაუბრია, ის კობახიძეს უყვიროდა, უშვერი სიტყვებით ლანძღავდა, ლაწირაკ ბავშვს ეძახდა და სხდომაც დატოვა. არანაირი განხილვა მისი თანდასწრებით და რაიმე სცენარის შეთანხმება არ მომხდარა. ის სხდომიდან უბრალოდ წავიდა“, – გვეუბნება ჩვენი წყარო.
ამის შემდეგ ბიძინა ივანიშვილთან ჯერ ღარიბაშვილმა დარეკა, შემდეგ – გომელაურმა. როგორც გვიყვებიან, ღარიბაშვილის ზარს ივანიშვილმა არ უპასუხა, გომელაურს – კი. არავინ იცის, რა უთხრა გომელაურმა ივანიშვილს, რადგან სასაუბროდ გვერდით გავიდა და საკმაოდ ჩუმად საუბრობდა. როგორც შემდეგ ითქვა, ბატონმა ბიძინამ შს მინისტრს უთხრა, რომ გახარიას დაურეკავდა, მაგრამ არავინ იცის, განხორციელდა თუ არა ეს ზარი გახარიასთან. შემდეგ კი მოხდა ის, რაც მოხდა – გახარიამ მეორე დღეს გადადგომის შესახებ გააკეთა განცხადება“, – ვწერდით თებერვლის ბოლოს „ალიაში“.
ყოჩაღ ალია წინასწარმეტყველი👍🏻