პარტია “კანონი და სამართალის” თავმჯდომარემ, თაკო ჩარკვიანმა “ღამის კურიერში” განაცხადა, რომ მისი პარტიიდან 2 საუკეთესო კანდიდატი 5 ნომრით იყრის თვითმმართველობის არჩევნებში კენჭს.
თუმცა, თუ სად იტყიან მისი პარტიის მიერ წარმოდგენილი კანდიდატურები კენჭს, ჩარკვიანმა არ დააკონკრეტა.
ამასთან, თაკო ჩარკვიანმა აღნიშნული ინფორმაცია დღეს პირველად გააჟღერა და ამ გადაწყვეტილების მოტივიც ახსნა – “მე გამარჯვება მინდა.”
“არ მივიჩნიე საჭიროდ, რომ ამ არჩევნებში კენჭი მეყარა, თუმცა ჩემი პარტიიდან, არის რაიონები, სადაც ჩემი პარტიის ნომრით გადიან, თუმცა ჩემი 2 საუკეთესო კანდიდატები, ჩემივე დაჟინებული თხოვნით 5 ნომრით გავუშვი, სად – ამის თქმა ჯერ საჭირო არ არის.
ეს უმაგრესი 2 კანდიდატურაა, მათ წარსადგენად გამოვჩნდები კიდეც. ჩვენ ერთმანეთთან ძალიან დიდი სანდოობა გვაქვს, ისეთი ბრძოლა გავიარეთ, ერთმანეთს საუკეთესო რაღაცებს ვაწვდით და ეს ორი კანდიდატიც მათ მთელი ჩემი გულუხვობით მივაწოდე. ეს იმიტომ, რომ მე გამარჯვება მინდა, მეტი არაფერი მაინტერესებს,”- განაცხადა თაკო ჩარკვიანმა.
კომენტარები