“მე არ ვარ და არ ვიქნები ნაცმოძრაობის ამომრჩეველი, თუმცა ხმას მივცემ ნიკა მელიას” – გია ხუხაშვილი

პოლიტილოგი გია ხუხაშვილი სოციალურ ქსელში წერს, რომ არასოდეს ყოფილა ენმ-ის ამომრჩეველი, მისი ცხოვრების მნიშვნელოვანი  ნაწილი ამ პარტიის მათ კრიტიკას მიუძღვნა, თუმცა იგი აღნიშნავს, რომ როგორც მოქალაქე ხმას ნიკა მელიას მისცემს.

ხუხაშვილი აცხადებს, რომ სახელმწიფოს განვითარებისთვის ეს არის სწორი და მის გადაწყვეტილებას განმარტავს:

“მე არ ვყოფილვარ, არ ვარ და არ ვიქნები ნაც. მოძრაობის ამომრჩეველი.უფრო მეტიც, ჩემი ცხოვრების მნიშვნელოვანი ნაწილი მათი ხელისუფლების ჯერ კრიტიკას, შემდგომ კი დაპირისპირებას მივუძღვენი ღარიბაშვილის, კობახიძის და ქართული ოცნების სხვა დღევანდელი ლიდერებისგან განსხვავებით.ამასთანავე, როგორც ამ ქვეყნის მოქალაქე და ამ ქალაქის მკვიდრი, ხმას მივცემ ნიკა მელიას და მიმაჩნია, რომ ამ სახელმწიფოს განვითარებისთვის ეს არის სწორი გადაწყვეტილება და აი, რატომ:ნიკა მელია აუცილებლად ეცდება იყოს ეფექტური, შეებრძოლება კორუფციას და ამოძირკვავს პარტიულ, თუ სანათესავო ნეპოტიზმს ორი მიზეზით – ერთი, რომ დაინტერესებული იქნება შექმნას წარმატებული ლოკალური მოდელი სისტემურ ჭაობში სამომავლოდ და მეორე, სურვილის შემთხვევაშიც კი ვერ შეძლებს ამას, რადგან ქართული ოცნების მართლმსაჯულება და ძალივანი სისტემა დამოკლეს მახვილივით იქნება მის თავზე აღმართული.მოკლედ, სახელმწიფოებრივად გაჩნდება ძალაუფლების უზურპაციის გარღვევის პრეცედენტი, ჩემს ქალაქს უკეთესობა დაეტყობა და ეს ყველაფერი მოხდება ნაცების ხელისუფლებაში მოსვლის გარეშე.სულ ეს არის…” – წერს პოლიტოლოგი.