“გირჩის” ერთ-ერთი ლიდერი, იაგო ხვიჩია “ტვ პირველთან” საუბრობს სალომე ზურაბიშვილის დაგეგმილ საახალწლო მიღებაზე და ამბობს:
“ნაკლებად მოველი რამე სახის სეიროზულ საუბარს შერიგებაზე, რადგან ნაციონალური მოძრაობა საერთოდ არ ესწრება ამ შეხვედრას. როგორ გითხრათ, რომ შერიგების განსახილველად მივდივარ, როცა შერიგების მთავარი მონაწილე არ არის შემოერთებული პროცესს?
ჩვენ სადღეგრძელოსავით გვითხრეს – შერიგებაო, ამის იქით, არც ზურაბიშვილს უთქვამს არაფერი და არც სააკაშვილს უთქვამს, რას გულისხმობს, მისი პირობები რა არის? შერიგების წერტილები რა არის, არავინ იცის. შემრიგებლური რიტორიკით ხომ უნდა დავიწყოთ, მინიმუმ? პირველი ხომ უნდა იყოს საუბარი, არჩევნები წავაგეთ, თუ მოვიდეთ? თუ არალეგიტიმურია მთავრობა, პრეზიდენტი, მაშინ, აზრი რა აქვს?
თუ მართლა შერიგება გინდა საქმეზე უნდა ლაპარაკობდე, ჯერჯერობით საქმეზე არავინ ლაპარაკობს და შთაბეჭდილება მრჩება, რომ არც არავის უნდა საქმეზე ლაპარაკი. ამათ ყველაფერი ერთად უნდათ – ყველას, როგორც ნაციონალურ მოძრაობას, ისე ქართულ ოცნებას, უნდათ თან შერიგებულები იყვნენ, თან – გამარჯვებულები, თან მომავალშიც ჰქონდეთ საჩხუბრად მასალა…
მე არ მჯერა, რომ ქოცები რამე ტიპის შერიგებაზე წამოვლენ, მანამ სანამ ასეთი ტიპის უმრავლესობით მოძრაობენ და ოპოზიცია არის სრულიად პარალიზებული, რომელიც დისკომფორტსაც კი ვერ უქმნის მთავრობას. სანამ მას ასეთი სუსტი მოწინააღმდეგე ჰყავს, ისინი სულ ასეთი თავხედები იქნებიან ფიზიკურად. ოპოზიცია მათი მთავარი დამხმარეა. ტყუილად კი არ მაქვს ვერსია, რომ ნაციონალური მოძრაობა და ქართული ოცნება გარიგებულნი არიან. დღესაც კი, ძალიან მალე შეიძლება დასრულდეს ქართული ოცნება, უბრალოდ ამისთვის ნაციონალურმა მოძრაობამ რაღაცეები უნდა მოინანიოს.”
კომენტარები