ადვოკატი, ნათია ჩხეტიანი:
მე-14 დაწესებულების მსჯავრდებულთა ოჯახის წევრების საყურადღებოდ!
დღეს ვიყავი დაწესებულებაში, ასევე პირადად ვესაუბრე დაწესებულების დირექტორს.
რაც თვალსაჩინოა და აღინიშნა კიდეც, თანამშრომლებიც და დირექტორიც 24 საათიან რეჟიმში მუშაობენ, იმ მიზნით, რომ დაიცვან თითოეული მსჯავრდებულის სიცოცხლე და ჯანმრთელობა.
დაწესებულებაში არის სრული სიმშვიდე, არც მსჯავრდებულების გაყვანის პროცესს არ ჰქონია კონკრეტულ მომენტში ადგილი და არც დაძაბულობა იგრძნობოდა თანამშრომლებს შორის.
დირექტორმა აღნიშნა, რომ მისთვის ნებისმიერი პატიმრის სიცოცხლე და ჯანმრთელობა არის ყველაზე მნიშვნელოვანი ღირებულება და ყველაფერს აკეთებს მათი უსაფრთხოებისთვის. ამ ეტაპზე შეზღუდულია მსჯავრდებულთა თავშეყრა ვირუსის გავრცელების პრავენციის მიზნით და მდგომარეობის მაქსიმალურად სწრაფად სტაბილიზაციისთვის ეტაპობრივად ხდება ტელეფონთან მათი გაყვანა.
იმედი გამოთქვა, რომ უმოკლეს ვადაში აღდგება ჩვეული განრიგი მე-14 დაწესებულებაში, რისკენაც მიმართულია დროებითი შემზღუდავი ღონისძიება.
აქვე აღნიშნა, რომ მიესალმება ამნისტიის საკითხს, მაგრამ სამწუხაროდ აღნიშნული კომპეტენცია მას არ გააჩნია.”
კომენტარები