თერჯოლაში, კლინიკაში გარდაიცვალა მე-12 კლასის მოსწავლე ლუკა ცეცხლაძე, რომელსაც ნადირობისას ბრმა ტყვია მოხვდა. ინფორმაციას “ინფო იმერეთი“ ავრცელებს.
“უკვე სამი კვირაა, რაც პატარა იმედს ვებღაუჭებოდით იმ უბედური წამიდან ლუკა. დღეს კი გაგვიფრინდი იმიერში სამუდამოდ, დატოვე შენი თანაკლასელები, ოჯახი და მთელი სკოლა გულმოკლული. იმ უბედური წამიდან ყოველი დღე შენზე ფიქრით და შენი სიცოცხლის გადარჩენისთვის ლოცვით იწყებოდა ჩვენთვის. ნათელი შენ სულს, უფალმა გაძლება მისცეს შენს ოჯახს” – წერია ნახშირღელეს სკოლის გვერდზე.
შსს-ს ცნობით, გამოძიება სსკ-ის 124-ე მუხლით არის დაწყებული, რაც გაუფრთხილებლობით ჯანმრთელობის ჯანმრთელობის ნაკლებად მძიმე ან მძიმე დაზიანებას გულისხმობს. შემთხვევა 3 კვირის წინ მოხდა.
კომენტარები