ტოს გენერალურმა მდივანმა იენს სტოლტენბერგმა განაცხადა, რომ უკრაინაში ომი კრიტიკულ ფაზაში შედის. სტოლტენბერგმა თქვა, რომ ალიანსის წევრი ქვეყნებისთვის ეს ზამთარი ერთგვარი გამოცდა იქნება. აღნიშნულის შესახებ მან Financial Times-თან საუბარში განაცხადა.
„უკრაინის ომი კრიტიკულ ფაზაში შედის. ზამთარი მოდის და რთული იქნება უკრაინელი ხალხისთვის და შეიარაღებული ძალებისთვის, რომლებიც იბრძვიან მათი თავისუფლებისთვის და ჩვენთვის, ვინც მათ მხარს ვუჭერთ. ჩვენი ერთობა და სოლიდარობა იქნება. ოჯახები და ბიზნესი გრძნობენ ენერგეტიკის ფასების მკვეთრ ზრდას და რუსეთის სასტიკი შეჭრით გამოწვეული ცხოვრების ხარჯების მკვეთრ ზრდას“, – აცხადებს სტოლტენბერგი.
მისივე თქმით, წინ შეიძლება იყოს რთული ექვსი თვე და შესაძლოა, სამოქალაქო არეულობის საფრთხე დადგეს.
„თუ რუსეთი შეწყვეტს ბრძოლას, იქნება მშვიდობა. თუ უკრაინა შეწყვეტს ბრძოლას, ის შეწყვეტს არსებობას, როგორც დამოუკიდებელი სახელმწიფო. ჩვენ ვალდებულნი ვართ მხარი დავუჭიროთ ამ დამოუკიდებელ დემოკრატიას ევროპის ცენტრში”, – განაცხადა ნატოს გენერალურმა მდივანმა.
კომენტარები