პოლიტოლოგი, ლევან ლორთქიფანიძე:
კონსტიტუციასა და მის სულს ყოველდღე თელავენ ფეხქვეშ, კონსტიტუციის დაცვა მათი მოტივი არ ყოფილა.
ისიც წინასწარ იციან, რომ თუ ენმ არ გაიყიდა, იმპიჩმენტის პროცედურის ბოლომდე მიყვანა შეუძლებელია.იმასაც ხვდებიან, რომ პრეზიდენტის გადაყენების შემთხვევაში, საკუთარ ავტორიტეტსაც ბოლომდე მოსპობენ და სალომე ზურაბიშვილსაც წმინდა მსხვერპლად, უსამართლოდ დაჩაგრულ ფიგურად აქცევენ, რასაც პრეზიდენტი თავისი პოლიტიკური მიზნებისთვის გამოიყენებს.საქმე გვაქვს მდარე ხარისხის მასკარადთან, უნიჭო სანახაობასთან, რათა სერიოზულ საკითხებზე არ ისაუბრონ, დრო უსაქმობაში გაიყვანონ და არაკეთილმოსურნე დამკვირვებელთა დასანახად მკაფიოდ განაპირდნენ სახელმწიფოს მეთაურისგან.
შეიძლება სალომე ზურაბიშვილი ძალიან ხისტია, ხანდახან შეცდომებს უშვებს, ადმინისტრაციის სახით კარგად აწყობილი ბიუროკრატიული მონსტრი არ უმაგრებს ზურგს, მაგრამ ის პრინციპული, გამბედავი და ღირსეული ადამიანია, რომელსაც უყვარს ეს ქვეყანა, ემსახურება მას და საქართველოს მომავალი ჩინეთთან და რუსეთთან დაქვემდებარებაში არ წარმოუდგენია.
კომენტარები