გავრცელებული ინფორმაციის თანახმად, საუდის არაბეთის ხელისუფლების მიერ ჩატარებული ისტორიაში ყველაზე მასშტაბური სიკვდილით დასჯის პროცესის დროს 81 ადამიანს მოჰკვეთეს თავი.
სიკვდილით დასჯილთა რაოდენობა 18-ით აღემატება სამეფოსა და ისლამის უწმინდეს ადგილზე, მექაში, 1979 წელს, დიდი მეჩეთის აღების გამო სიკვდილით მასობრივად დასჯილთა რაოდენობას.
საუდის არაბეთის სახელმწიფო პრესის სააგენტომ შაბათის სიკვდილით დასჯის შესახებ განაცხადა, რომ მათ შორის არიან „სხვადასხვა დანაშაულისთვის, მათ შორის უდანაშაულო მამაკაცების, ქალებისა და ბავშვების მკვლელობისთვის მსჯავრდებულები“.
სამეფომ ასევე განაცხადა, რომ სიკვდილით დასჯილთა შორის იყვნენ აგრეთვე ალ-ქაიდას დაჯგუფების წევრები და იემენის მეამბოხე ჰუთიების მფარველები.
სიკვდილით დასჯილთა შორის 73 საუდეთიდან იყო, 7 იემენიდან და 1 სირიიდან.
საუდის არაბეთის ტახტის მემკვიდრე, პრინცი მუჰამედ ბინ სალმან ალ საუდმა, რომელიც ხელისუფლებაში მოსვლის შემდეგ გახსნა კინოთეატრები, აძლევდა ქალებს მანქანის მართვის უფლებას და გაანადგურა ქვეყნის ოდესღაც საშინელი რელიგიური პოლიცია, განაცხადა, რომ სიკვდილით დასჯის “დიდი პროცენტი” შეჩერდა ე.წ. “სისხლის ფულის” გადახდით მწუხარე ოჯახებისთვის.
ჩვენ უარი ვთქვით სიკვდილით დასჯაზე გარდა ერთი შემთხვევისა და ვერაფერს ვიზამთ თუნდაც რაღაცის გაკეთება გვინდოდეს, რადგან ეს ყურანშია გაწერილი. ეს არის ნათელი სწავლება ყურანში, – ამბობს პრინცი.
„თუ ვინმემ მოკლა ვინმე, სხვა, ამ ადამიანის ოჯახს უფლება აქვს სასამართლოში წასვლის შემდეგ გამოიყენოს სიკვდილით დასჯა, თუ არ აპატიებს. ან თუ ვინმე მრავალი ადამიანის სიცოცხლეს ემუქრება, სიკვდილით უნდა დაისაჯოს“, „მომწონს თუ არა, ამას ვერ შევცვლი“.- განაცხადა პრინცმა
„აიპრესი“
კომენტარები