“…მაშინ უნდა აიღოს პასუხისმგებლობა და შეიწყალოს სააკაშვილი” – რომელი 2 გზა აქვს პრეზიდენტს? – შალელაშილი

“ქართული ოცნების” ყოფილი დეპუტატი, შოთა შალელაშვილი, რომელმაც 2019 წელს დატოვა პარლამენტი:

“სალომე ზურაბიშვილს ე. წ. მშვიდობანას თამაში იზიდავს, ის ცდილობს ორბელიანის სასახლეში ყურადღების ცენტრის გადატანას, მე მას ვურჩევდი, თუ მას მართლა ჰუმანურობა უნდა გამოიჩინოს და შევიდეს საქართველოს ისტორიაში, რომელმაც მართლა გადაწყვიტა ქვეყნისთვის ყველაზე მნიშვნელოვანი და ურთულესი საკითხი, რასაც სააკაშვილის საკითხის გადაჭრა ჰქვია, გავაკეთებდი შემდეგს:

1 მან მტკიცედ, ურყევად და კატეგორიულად უნდა მოსთხოვოს მმართველ პარტიას, გადაჭრან სააკაშვილის საკითხი, ორივე მხარის მისაღები პოზიციით, (ასეთი შეიძლება იყოს მისი საზღვარგარეთ გამგზავრება სამკურნალოდ) წაუყენოს ულტიმატუმი, მანამ სანამ ხელისუფლება ღირსეულ გადაწყვეტილებას არ მიიღებდა ორივე მხარესთვის.

2 ამით ხელისუფლებას აიძულებს, აირჩიოს ცუდსა და ძალიან ცუდს შორის, ყველა სხვა ქმედება მის მხრიდან იქნება დროის გაწელვის მცდელობა, რაც რა თქმა უნდა, ხელისუფლების წისქვილზე ასხავს წყალს.

3 იმ შემთხვევაში, თუ არანაირ გამოსავალზე ხელისუფლება არ დათანხმდებოდა, მაშინ უნდა აიღოს თავის თავზე პასუხისმგებლობა და შეიწყალოს სააკაშვილი.

ეს დაამშვიდებს ქვეყანას, რაც ნიშნავს ქვეყნის კრიზისიდან გამოყვანის დასაწყის, ამის შედეგად შესაძლებელი გახდება გადავიდეთ საყოველთაო მოლაპარაკება-შერიგებაზე.

მხოლოდ ამ შემთხვევაში შეუძლია ზურაბიშვილს ქონდეს პრეტენზია შევიდეს იმ პრეზიდენტების სიაში ვინც თავის ისტორიული გადაწყვეტილებით, ქვეყნის მშვიდობიანი განვითარებაში გადამწყვეტი როლი შეასრულა.

მას „ქართული ოცნება“ მეორე ვადით ვეღარ აირჩევს, ასე რომ, დასაკარგი არაფერი აქვს, იმიტომ რომ შემდეგი არჩევნები პროპორციული სისტემით ჩატარდება და „ქართული ოცნება“ საკმარის ხმებს ვერ დააგროვებს მის მეორე ვადით გადასარჩევად.

როდესაც საქმე ეხება ქვეყნის სტაბილიზაციასა და მშვიდობიან განვითარებას, ყველა მორალური პრინციპები უნდა გადაიწიოს მეორე პლანზე, ამიტომ ზურაბიშვილმა მეტი გამბედაობა და სითამამე უნდა გამოიჩინოს.”