“მარცხნივ ხედავთ ადამიანს, რომელსაც „ცილა“ არ აქვს, მარჯვნივ კი „ცილიანი“, სახელმწიფოს მიერ „რაკამ დაყენებული“ ადამიანია” – ბექა მამუკაშვილი

ბექა მამუკაშვილი, აქვეყნებს ფოტოს და წერს:

“მარცხნივ ხედავთ ადამიანს, რომელსაც „ცილა“ არ აქვს, მარჯვნივ კი „ცილიანი“, სახელმწიფოს მიერ „რაკამ დაყენებული“ ადამიანია.

უცილოს ძალიან გაუმართლა, რომ იმ ასეულობით მილიონ მკვდარს შორის არ მოხვდა, რომელიც დაავადება ყვავილმა შეიწირა საუკუნეების განმავლობაში.

დაავადებამ, რომელიც მხოლოდ და მხოლოდ ვაქცინაციის წყალობით გაქრა სადღაც 1980 წლისკენ.

კომენტარებში კიდევ დავდებ რამდენიმე უცილო ადამიანის ფოტოებს, სხვა დაავადებების მქონეებს, რომლებსაც ვაქცინა უშველიდათ.”

ბექა მამუკაშვილის ფოტოს, ნიკა გვარამიაც ეხმაურება და წერს:

“ყვავილი – დაავადება, რომელიც შავი ჭირის შემდეგ და ესპანური გრიპუს, ე.წ. ისპანკას შემდეგ, კაცობრიობის ისტორიაში მესამე ადგილზეა ადამიანების მსხვერპლის მიხედვით.

ფოტოზე მარცხნივ – ყვავილით დაავადებული აუცრელი ბავშვი. მარჯვნივ – აცრილი ბავშვი, რომლისთვისაც ყვავილით დაავადებულთან ახლო კონტაქტიც კი სრულიად უსაფრთხოა.

კაცობრიობამ, ეს გიგანტური მასშტაბის მტერი, საბოლოოდ 1978 წელს დაამარცხა.

დაამარცხა აცრების მეშვეობით.

სულ სამ წელიწადში, კოვიდი 19ით მოტანილი მსხვერპლი, გაცდა ყვავილის მიერ ათასეული წლების სიკვდილის ჯამურ სტატისტიკას.

აიცერი და გადარჩი. აიცერი და გადაარჩინე. სხვა გზა არ არსებობს.”