“მალე ისინი ფრონტის ხაზზე გადავლენ” – კადიროვი სამ არასრულწლოვან შვილს ომში გზავნის

ჩეჩნეთის ლიდერის, რამზან კადიროვის თქმით, მისი სამი არასრულწლოვანი ვაჟი წავა უკრაინის წინააღმდეგ ომში. ის ამტკიცებს, რომ მისი შვილები მზად არიან თავიანთი უნარები “სპეციალურ ოპერაციაში” გამოიყენონ და ეს მათი სურვილია.

“მალე ისინი ფრონტის ხაზზე გადავლენ და კონტაქტის ხაზის ურთულეს მონაკვეთებზე იქნებიან. ყოველთვის მჯეროდა, რომ ნებისმიერი მამის მთავარი მიზანია შვილებში ღვთისმოსაობის დანერგვა და ოჯახის, ხალხის, სამშობლოს დაცვა ასწავლოს. თუ მშვიდობა გინდა, მოემზადე ომისთვის!” – ამბობს კადიროვი.

კადიროვის შვილები ახმატი, ელი და ადამი 16, 15 და 14 წლისები არიან. კადიროვის თქმით, მათი სამხედრო მომზადება ადრეულ ასაკში დაიწყო.