“მადლობას 100კვ ბინა მიაყოლეთ, გადაეცეს ყველა ჩინოვნიკის ოქტომბრის თვის ხელფასი პრემია-დანამატებით!!” – მედეა ადამია მეზურნიშვილზე

თბილისი მერი, კახა კალაძე ვაკის პარკის მებაღეს, დევი მეზურნიშვილს შეხვდა, რომელმაც ვაკეში მომხდარი ტრაგედიის დროს ორი ბავშვი გადაარჩინა.

ფაქტს სამოქალაქო აქტივისტი, მედეა ადამია ეხმაურება და წერს:

“მადლობას 100კვ დასრულებულ-გარემონტებული ბინა მიაყოლეთ ვაკის პარკის მიმდებარედ, ეს არ გაგიჭირდებათ ვიცი. ასეთი დიდი ადამიანები, როგორიც დევი მეზურნიშვილია თითზე ჩამოსათვლელი დაგვრჩა ქვეყანაში… მათ ღირსეულად უნდა ვაფასებდეთ! უნდა გადაეცეს ამ პიროვნებას სახალხო გმირის ორდენი, ღირსების ორდენი, ყველა ჩინოვნიკის ოქტომბრის თვის ხელფასი პრემია-დანამატებით!! საქართველოს საპატიო მოქალაქის და საპატიო თბილისელის წოდება და ჯილდო!! და აუცილებლად დაიდგას ამ პიროვნების ძეგლი ვაკის პარკში!! სიცოცხლეშივე ჭირდება ადამიანს დაფასება!!! და მხოლოდ მადლობის თქმა არ კმარა!!!”