ჟურნალისტი, ვახო სანაია:
“ჯერ ერთი, ძალიან დიდი მადლობა შტადლერის მატარებელს. მას რომ არ ჩაევლო ზუსტად იმ დროს, როცა ეს კაცი თურმე ურეკიდან ბათუმში მიდიოდა, ამ დრომდე არ გვეცოდინებოდა, საერთოდ გვყავს თუ არა იუსტიციის მინისტრი და სახელად და გვარად რატი ბრეგაძე ყოფილა.
მაგრამ ეს არ არის მთავარი.
მთავარი სხვა რამეა – წარმოგიდგენიათ, როგორ ატრიალებს თავს, რომ მხოლოდ ბიძინას რაღაცებს ხედავს ?! უბრალოდ, სხვა რამის ნახვა არ შეუძლია. აბა ურეკამდე ჩახვიდე, მერე ურეკიდან ბათუმამდე და სხვა ვერაფერი დაინახო, ხო წარმოგიდგენიათ, რა ხდება ამ დროს ადამიანის აღქმაში.
მაგრამ ეს მეორე აბზაცი მთლიანად ტყუილია. სინამდვილეში ყველაფერი უფრო პროზაულია – ასე დაავალეს და გაიმეორა. უმარტივესია.
● იუსტიციის მინისტრი რატი ბრეგაძე
კიდევ ერთი ნათელი მაგალითი მინდა მოვიყვანო იმისა, თუ რა გაკეთდა და ბუნებრივია, დასკვნები შემდეგ თქვენ გამოიტანეთ. რამდენიმე დღის წინ ვიმყოფებოდი ურეკში და მივდიოდი ბათუმის მიმართულებით. გავჩერდი შლაგბაუმზე, სადაც ჩაიარა შტადლერის ახალმა მატარებელმა, რომელიც მაქამდე არ იყო და უცებ, გარკვეულწილად, ადამიანი იბნევი, იმიტომ, რომ თავს გრძნობ ნამდვილად ევროპაში, როცა ხედავ ამ მატარებელს.
მას შემდეგ, რაც გაიხსნა შლაგბაუმი და დავიძარი ბათუმის მიმართულებით, მარჯვენა მხარეს დავინახე დენდროლოგიური პარკი, ყველას კარგად მოგეხსენებათ, რამხელა ცილისმწამებლური კამპანია მიმდინარეობდა ბატონი ბიძინა ივანიშვილის მიმართ, როდესაც ხეების გადმოტანა მიმდინარეობდა. დღეს კი გვაქვს უმშვენიერესი პარკი, რომელიც მართლაც, რომ საოცრება არის. გავიხედეთ მარცხენა მხარეს და დავინახეთ მუსიკოსების პარკი, სადაც უამრავი ტურისტი, მართლაც რომ გაოცებული იყურებოდა. კიდევ მინიატურების პარკი და ბლექ სი არენა და ახალი გზით წავედით ბათუმისკენ და ახალი ავტობანით, სულ რაღაც 15-20 წუთში ვიყავით ბათუმში.
აი, ეს არის, მეგობრებო, ის ნათელი ცვლილებები, რომელიც შეგვიძლია ვიხილოთ საკუთარი თვალით. უბრალოდ, განსხვავებით წინამორბედებისაგან არ ახდენს ამის დამადლებას, იმიტომ, რომ ამით ჩვენ თავი კი არ უნდა მოვიწონოთ, არამედ, უბრალოდ, გაბარებთ ანგარიშს.”
კომენტარები