კლინიკიდან გაქცეული ყველა პატიმარი დაკავებულია. ინფორმაციას იუსტიციის მინისტრი რატი ბრეგაძე სოციალურ ქსელში ავრცელებს.
„სამივე დამნაშავე დაკავებულია! შინაგან საქმეთა სამინისტროსთან მჭიდრო კოორდინაციით ძებნის ღონისძიება წარმატებით დასრულდა.
მადლობა ჩემს მეგობარს, შინაგან საქმეთა ღირსეულ მინისტრს ვახტანგ გომელაურს და პოლიციას დიდი მხარდაჭერისთვის.
მადლობა ჩვენს თანამშრომლებს, რომლებმაც პოლიციასთან ერთად ყველა საჭირო ღონისძიება მაღალი პროფესიონალიზმით განახორციელეს და დაიცვეს ჩვენი მოქალაქეების უსაფრთხოება.
დამნაშავეებს მიესჯებათ შესაბამისი სასჯელი.
მადლობა ყველას, ვინც წარმატება გვისურვა.
ეს არასრული 24 საათიანი ისტორია გაკვეთილი უნდა იყოს ყველასთვის, ვინც საქართველოს უსაფრთხოების უზრუნველყოფასა და ადამიანის უფლებების დაცვაზე ორიენტირებული სამართალდამცავი სისტემის წინააღმდეგ უკანონო ნაბიჯების გადადგმაზე გაიფიქრებს“, -წერს მინისტრი სოციალურ ქსელში.
მინისტრი არ აკონკრეტებს, როგორ დაიცვა შსს–მ მოქალაქეების უსაფრთხოება და რა საფრთხე ელოდათ მოქალაქეებს კონკრეტულად. გეტყვით იმასაც, რომ საფრთხეებზე, გაქცეულების დაკავებამდე, მინისტრს არ უსაუბრია.
კომენტარები