“ლოგიკურად, “ენმ”-ის მხარდამჭერები უნდა შევარდნენ ციხეში, გამოიხსნან ლიდერი… თუ ამას ვერ აკეთებ…” – იაგი ხვიჩია

“გირჩის” ერთ-ერთი ლიდერი, იაგო ხვიჩია “ტვ პირველთან” საუბრობს სალომე ზურაბიშვილის დაგეგმილ საახალწლო მიღებაზე და ამბობს:

“ტყუილად კი არტ მაქვს ვერსია, რომ ნაციონალური მოძრაობა და ქართული ოცნება გარიგებულნი არიან. დღესაც კი, ძალიან მალე შეიძლება დასრულდეს ქართული ოცნება, უბრალოდ ამისთვის ნაციონალურმა მოძრაობამ რაღაცეები უნდა მოინანიოს. მართლა უნდა მოინანიოს, მართლა უნდა შეიცვალოს მიხეილ სააკაშვილი, ციხე ცვლის ადამიანს, მართლა ცვლის, ის საკმაოდ დიდი ხანია ზის ციხეში და ჩემი აზრით, კიდევ ცოტა ხანი მოუწევს იქ ჯდომა. მართლა უნდა გაიგოს, რომ ცუდად იქცეოდა. ჩვეულებრივმა ხალხმა არ იცის, რომ მიხეილ სააკაშვილმა ძალიან ცუდი რაღაცეები გააკეთა? არ ამბობს ხალხი?

მიხეილ სააკაშვილი ციხეში ზის და ეს ძალიან განმსაზღვრელი მომენტია, თუ მიხეილ სააკაშვილი მართლა მიხვდა რა დააშავა ამ ქვეყნის წინაშე, რა შანსი გაუშვა ამ ქვეყნისთვის ხელიდან, ჩემი აზრით, ის სინანულში უნდა იყოს. ეს ხომ მისი დატოვებული სასამართლოა? ქოცები ცუდი მთავრობაა, ამაზე ხომ არ ვიწუწუნებთ? გამოსავალი ისაა, რომ მიხეილ სააკაშვილმა მართლა გაიაზროს რა გააკეთა, რა “გამაზა” საკუთარი ქვეყნისთვის, ამის გააზრების შემდეგ, დაიწყება მისი პატიების პროცესი მოსახლეობიდან და მას მართლა აქვს შანსი ღირსეულად დაბრუნდეს.

მე არ ვიცი რას ვნახავთ… ლოგიკურად, ერთადერთი რაც უნდა მოხდეს, შეიკრიბოს ნაციონალური მოძრაობის ბევრი მხარდამჭერი, რომელსაც ჰგონია, რომ პუტინს ჰყავს დატყვევებული მათი ლიდერი, შევარდნენ ციხეში, გამოიხსნან, დაატყვევონ მოწინააღმდეგეები და ეს მოიყვანონ ხელისუფლებაში – ეს უნდა მოხდეს ლოგიკურად, რა ხაზზასაც ნაციონალური მოძრაობა აგრძელებს. თუ ამას ვერ აკეთებ, უნდა იბრძოდე ამისთვის.

ან მეორე ვარიანტია, გაიგო რატომ ვერ იმარჯვებ, მიზეზები გაანალიზო და მართლა სთხოვო ხალხს რაღაცა და ჩემი აზრით, თუ მართლა ითხოვ, მოგეცემა.”