“ლიბერთი ბანკი” პენსიონერებს ადამიანებად არ გვთვლის, ერთად დავიცვათ ჩვენი უფლებები – ლამარა აბჟანდაძე

ბლოგერი ლამარა აბჟანდაძე “ლიბერთი ბანკს” უპირისპირდება.
აბჟანდაძე სოციალური ქსელიდან მოუწოდებს პენსიონერებს, ერთად დაიცვან საკუთარი უფლებები.

„მეგობრებო, მოგმართავთ 60 + ასაკის ადამიანებს.
მე 91 წლისა ვარ. ჩვენ ყველა პენსიონერი ვართ.  პენსია 275 ლარი ჩვენი ასაკის ხალხს წამლის ფულად არ გვყოფნის, სხვა საჭირო აუცილებელ რამეებს თავი რომ დავანებოთ. ამიტომ იძულებული ვართ მომდევნო თვის პენსია წინასწარ გამოვიტანოთ. 

აი, აქ იწყება ჩვენი ძარცვა. ამ გამოტანილ 275 ლარს “ლიბერთი ბანკი” 36%-ს არიცხავს. ე. ი. “ლიბერთი ბანკი” პენსიონერებს ადამიანებად არ გვთვლიან. მათთვის ჩვენ ვართ რაღაც მომაკვდავი არსებები. მეგობრებო , მოდით ერთად დავდგეთ და დავიცვათ ჩვენი უფლებები. გმადლობთ ყურადღებისათვის,“- წერს ლამარა აბჟანდაძე.