96 მომხრე – 0 წინააღმდეგი – ლევან იოსელიანი 6 წლით, საქართველოს სახალხო დამცველი გახდა. მის კანდიდატურას ნდობა პარლამენტმა რამდენიმე წუთის წინ გამოუცხადა.
იოსელიანს მხარი არ დაუჭირა პარტია “ლელომ”. სიტყვით გამოსვლისას, სალომე სამადაშვილმა აღნიშნა, რომ დღეს სახალხო დამცველი “ინიშნება”.
იოსელიანს მხარდაჭერა გამოუცხადეს ხათუნა სამნიძემ, თამარ კორძაიამ და თეონა აქუბარდიამ. მათი პოზიციაა, რომ იოსელიანმა კომიტეტზე ყველა შეკითხვას გასცა პასუხი.
სახალხო დამცველის თანამდებობაზე ასარჩევად ლევან იოსელიანის კანდიდატურა საპარლამენტო პოლიტიკურმა ჯგუფმა „მოქალაქეებმა“ წარადგინა.
იოსელიანს სადეპუტატო უფლებამოსილება ავტომატურად შეუწყდა.
ლევან იოსელიანმა განაცხადა, რომ დღეიდან ის აღარ არის პოლიტიკოსი და მომდევნო 6 წელი სახალხო დამცველის უფლება–მოვალეობის შესრულებით იქნება დაკავებული.
ლევან იოსელიანმა ჟურნალისტების კითხვებს არ უპასუხა და თქვა, რომ მოგვიანებით გააკეთებს ვრცელ განცხადებას.
კომენტარები