“ლელოს პარტიის წევრებსაც ვუვსებთ ბარათებს და ეს სალაპარაკო არასოდეს გაგვიხდია” – ჟორჟოლიანი

ჟურნალისტი, ნანუკა ჟორჟოლიანი:

როგორ ივსება პატიმრების ბარათები რომ იცოდეთ.

სინდისის პატიმრები სრულად ჩემი პასუხისმგებლობაა. პირველი დღიდან ამ წუთამდე.

4 ოქტომბრის პატიმრები რომ დაგვემატნენ, გამორიცხული იყო ერთ პლატფორმას ამხელა ფინანსური ტვირთი აეწია. დავურეკე Davit Jintcharadzes. ბიჭს, რომელიც ფონდით გეხმარებოდათ ჯარიმების გადახდაში და არა მხოლოდ.

დათოს ერთი წუთი არ უფიქრია. მაშინვე თქვა რომ პატიმრებზე ფინანსური რესურსის მოძიებას დაიწყებდა.

რადგან პატიმრების რაოდენობა იყო ძალიან ბევრი დავურეკეთ პარტიებს. ოთხებს და ხუთებს. ვუთხარით პარტიულ ნაწილზე ფინანსური პასუხისმგებლობა აეღოთ.

რამდენინე გადახდა შედგა მათი მხრიდან. მოგვიანებით გვითხრეს რომ პარტიების ფინანსური კრიზისის გამო ვეღარ ახერხებდნენ პატიმრების ბარათების შევსებას. ნაცების შემთხვევაში სირთულე იყო რომ გვიან გავიგეთ ბარათების დავალიანება.

სამწუხაროა, მაგრამ გასაგებია. ურესურსო პარტია, ბოიკოტში მყოფი, ყველა ლიდერი ციხეში, ძალიან გასაგებია ორივე პარტიის მხრიდან. რავი, ლელოს პარტიის წევრებსაც ვუვსებთ ბარათებს და ეს სალაპარაკო არასოდეს გაგვიხდია.

რაც უფრო მეტი ადამიანი ჩაერთვება პასუხისმგებლობის ამბავში მით კარგი. რაც უფრო მეტი ჯგუფი შეაგროვებს ბარათების თანხებს კიდევვ უფრო ეფექტური იქნება პატიმრებზე ზრუნვა.

თუ რამე გამომრჩა და კითხვა გაქვთ აქ ვარ.