ლავროვს საჰაერო ზონის გამოყენება აუკრძალა სამმა ქვეყანამ

სერბეთში რუსეთის საგარეო საქმეთა მინისტრის, სერგეი ლავროვის ვიზიტი გაუქმდა, რადგან სერბეთის სამმა მეზობელმა ქვეყანამ:

ბულგარეთმა, ჩრდილოეთ მაკედონიამ და მონტენეგრომ მის თვითმფრინავს თავიანთი საჰაერო სივრცის გამოყენება აუკრძალა.

ვიზიტის გაუქმება რუსეთის საგარეო საქმეთა სამინისტრომაც დაადასტურა. უწყებაში აღნიშნეს, რომ “რუსულ დიპლომატიას ტელეპორტაცია ჯერ არ აუთვისებია”.

სერბეთი რუსეთთან მეგობრულ ურთიერთობას ამ დრომდე ინარჩუნებს. ქვეყანა არ შეურთდა რუსეთის წინააღმდეგ ევროკავშირის მიერ დაწესებულ სანქციებს. მათ შორის ევროკავშირისა და ბრიტანეთის მიერ რუსული თვითმფრინავებისთვის ფრენის აკრძალვას. აღსანიშნავია, რომ არაერთი სხვა ევროპული ქვეყნის მსგავსად სერბეთის დიდწილად რუსულ გაზზეა დამოკიდებული. სერგეი ლავროვი ბელგრადში პრეზიდენტ ალექსანდრ ვუჩიჩს უნდა შეხვედროდა და მასთან მოლაპარაკებები გაემართა.

ადგილობრივი მედიის ცნობით, ვუჩიჩი ლავროვის ნაცვლად სერბეთში რუსეთის ელჩს, ალექსანდრ ბოკან-ხარჩენკოს შეხვდება.