დმიტრო კულებამ და სერგეი ლავროვმა გვაცნობეს, რომ შეხვედრისთვის მზად არიან. უახლოეს 1-2 კვირაში შესაძლოა, გაიმართოს შეხვედრა, სულ მცირე, უკრაინისია და რუსეთის საგარეო საქმეთა მინისტრების დონეზე – თურქეთის საგარეო საქმეთა მინისტრის, მევლუთ ჩავუშოღლუს თქმით, უკრაინისა და რუსეთის საგარეო საქმეთა მინისტრები მორიგი შეხვედრის გასამართად მზად არიან.
“დელეგაციებს შორის ტექნიკური მოლაპარაკებები გაგრძელდება. მასთან ერთად, გაიმართება მინისტრებს შორის შეხვედრა, სადაც დამტკიცდება იქ მიღებული გადაწყვეტილებები. ამის შემდეგი ეტაპი კი ქვეყნის ლიდერებს შორის შეხვედრაა”. – აღნიშნა ჩავუშოღლუმ.
ჩავუშოღლუ ვარაუდობს, რომ მხარეები მოლაპარაკებების ადგილად კვლავ სტამბოლს აირჩევენ, რადგან მისი თქმით, თურქული მეგაპოლისი ორივე მხარისთვის მოსახერხებელი ადგილია. მათ შორის, ლოგისტიკის კუთხით.
ჩავუშოღლუმ უარყო ინფორმაცია, რომლის მიხედვითაც თურქეთი უკრაინის უსაფრთხოების გარანტორ ქვეყნად ქცევის შემთხვევაში ომში ჩაერთვება და უკრაინაში სამხედრო ძალებს გაგზავნის.
კომენტარები