ლატვიის სეიმმა შეცვალა ენერგეტიკის კანონი და რუსეთიდან ბუნებრივი გაზის იმპორტი აკრძალა. პარლამენტის მიერ 14 ივლისს, საბოლოო, მესამე მოსმენით მიღებული საკანონმდებლო ცვლილებებით, რუსული გაზის იმპორტი 2023 წლის 1 იანვრიდან იკრძალება.
კანონის ახალი ვარიანტი ითვალისწინებს ბუნებრივი გაზის მიწოდების დივერსიფიკაციას და სტრატეგიული მარაგის შექმნას. ყოველი წლის არაუგვიანეს 31 აგვისტოსი, ინჩუკალნსის მიწისქვეშა საცავი შევსებული უნდა იყოს გაზის მარაგით, რომელიც უზრუნველყოფს მოხმარებას იმავე წლის 1 ოქტომბრიდან მომდევნო წლის 30 აპრილამდე. პარლამენტის მიერ საკანონმდებლო ცვლილებების დამტკიცებამდე, რუსული გაზის იმპორტზე უარი თქვა ლატვიის მთავრობამ. ეს არის ლატვიის რეაქცია უკრაინაში რუსეთის შეჭრაზე.
2022 წლის აპრილში, რუსეთიდან გაზის იმპორტზე უარი თქვა ლიეტუვამ. ის ევროკავშირის პირველი სახელმწიფოა, რომელმაც რუსული გაზი აკრძალა.
კომენტარები