საქართველო-აზერბაიჯანის ლაგოდეხის სასაზღვრო-გამშვები პუქნტიდან საქართველოს სამი მოქალაქე თბილისში, საკარანტინო ზონაში გადაიყვანეს.
დაავადებათა კონტროლის ცენტრის კახეთის განყოფილების უფროსის ნელი ხიზანიშვილის ინფორმაციით, სამივე მათგანი სატვირთო ავტომანქანის მძღოლია. მათ საზღვარი 22 თებერვალს გადაკვეთეს და დღეს საქართველოში ბრუნდებოდნენ.
„არცერთს არ აქვს სიმპტომები. იმის გამო, რომ ისინი ირანში იმყოფებოდნენ, აუცილებელია საკარანტინო პერიოდი გაიარონ თბილისში. მათი გადაყვანა სპეციალური მანქანებით მოხდება. რაც შეეხება, სატვირთო მანქანებს, კომპანია, რომელსაც ისინი ეკუთვნის, დეზინფექციას ჩაუტარებს. შემდეგ უკვე მოხდება სატვირთოების საზღვარზე გადმოყვანა“,- განაცხადა ხიზანიშვილმა.
ლაგოდეხის სასაზღვრო გამშვები პუნქტიდან, საკარანტინო ზონაში მოქალაქეები ბოლო რამდენიმე დღეა, ინტენსიურად გადაჰყავთ.
კომენტარები