ექიმმა-ინფექციონისტმა ალექსანდრე გოგინავამ კუსტარულად დამზადებული ნიღბების ეფექტურობის შესახებ ისაუბრა. როგორც მან „იმედის დილაში“ განაცხადა, არასამედიცინო, ხელნაკეთი პირბადეები ნაკლებად იცავს ადამიანს, ზოგჯერ კი პირიქით, შეიძლება ზიანი მიაყენოს.
„კუსტარულად, არასამედიცინო ტიპის ნიღბების ეფექტურობა არის ძალიან დაბალი. ზუსტ პროცენტს ვერ გეტყვით, მაგრამ საკმაოდ დაბალია მათი დამცველობის ფუნქცია. თუ არ არის ჩვეულებრივი სამედიცინო ქირურგიული ნიღაბი, იმ შემთხვევაში მოსახლეობას შეუძლია ამის გამოყენება, მაგრამ ეს რისკსაც შეიცავს, იმიტომ რომ არასწორად შეკერილმა და დამზადებულმა ნიღაბმა შეიძლება გაზარდოს დაინფიცირების რისკი“, – განაცხადა გოგინავამ.
ექიმმა ასევე დააზუსტა, რომ ღია სივრცეში, სოციალური დისტანციის დაცვის შემთხვევაში ნიღბის ტარება რეკომენდირებული არ არის, რადგან ამას აზრი არ აქვს.
კომენტარები