“ნაციონალური მოძრაობის” წევრი, ეროვნული ბანკის ყოფილი პრეზიდენტი რომან გოცირიძე სავალუტო ბირჟის გარეშე განხორციელებული ინტერვენციების მაჩვენებლების გამოქვეყნებას ითხოვს, რადგან კურსის ბოლო დღეების ნახტომისებური გამყარება და გაუფასურება მისი თქმით, გარკვეულ ეჭვებს იწვევს.
„ეროვნულმა ბანკმა დაუყოვნებლივ უნდა გამოაქვეყნოს სავალუტო ბირჟის გარეშე განხორციელებული ინტერვენციების მაჩვენებლები კონკრეტული დღეების მიხედვით. იგი ამ ინფორმაციას აქვეყნებს მხოლოდ ერთი თვის დაგვიანებით და დაჯამებულად. კურსის ბოლო დღეების ნახტომისებური გამყარება და გაუფასურება ტოვებს გარკვეულ ეჭვებს და ამის გასაბათილებლად მსგსვი ინფორმაციის გამოქვეყნება აუცილებელია. დღემდე არ აუხსნია ეროვნულ ბანკს, რატომ ხდება სავალუტო ბაზარზე განხორციელებული მსხვილი ინტერვენციის მომენტალური გასაჯაროება და რატომ არის ბირჟის გარეთ გაყიდული ვალუტის მოცულობა და გაყიდვის დღეები გასაიდუმლოებული“ – წერს გოცირიძე სოციალურ ქსელში.
კომენტარები