პუტინის პრეს სპიკერის დიმიტრი პესკოვის ინფორმაციით, პუტინი ზელენსკის მოლაპარაკებების გამართვას მინკსში სთავაზობს.
როგორც ცნობილია, დღეს უკრაინის პრეზიდენტმა ზელენსკიმ უკრაინის ნეიტრალიტეტთან დაკავშირებით დიალოგის მზადყოფნის შესახებ ისაუბრა. თავის დროზე რუსეთის ფედერაციის პრეზიდენტი ვლადიმერ პუტინი ამბობდა, რომ ოპერაციის მიზანი დამოუკიდებელი რესპუბლიკების დონეცკის და ლუგანსკის დახმარება იყო, მათ შორის, უკრაინის დემილიტარიზაციის და დენაციფიკაციის გზით. ეს კი წარმოადგენს ნეიტრალური სტატუსის განუყოფელ კომპონენტს , – განაცხადა პესკოვმა.
რუსულ მედიაში ვრცელდება ასევე ინფორმაცია იმის შესახებ, რომ შესაძლოა მოლაპარაკებები გაიმართოს ჩინეთის ჩართულობით.
პარალელურად, მოლაპარაკებებს უარით პასუხობს რუსეთის საგარეო საქმეთა მინისტრი და ამბობს, რომ მხოლოდ იმ შემთხვევაში შედგება კონტაქტი, თუ უკრაინის ჯარი დაყრის იარაღს.
კიდევ უფრო მეტად მკაცრია მარია ზახაროვას განცხადება, რომელიც ასევე არ ავრცელებს ინფორმაციას მოლაპარაკების თაობაზე.
შესაბამისად, რთულია იმის თქმა, რამდენად დაჯდება რუსეთი მოლაპარაკების მაგიდასთან.
კომენტარები