ორონავირუსთან დაკავშირებით შექმნილი უწყებათაშორისი საკოორდინაციო საბჭოს დღევანდელი სხდომის გადაწყვეტილებით, სკოლებში, პროფილაქტიკის მიზნით, სასწავლო პროცესი შეწყდება 2 მარტიდან 16 მარტამდე.
ანსამბლ „სუხიშვილების“ გვერდზე დაწერეს, რომ ისინი ითვალისწინებენ საკოორდინაციო საბჭოს გადაწყვეტილებას და ისინი რეპეტიციებს აღნიშნული ვადით წყვეტენ.
„ვითვალისწინებთ რა, ქვეყანაში შექმნილ მდგომარეობას, ჩვენც ვიზიარებთ მთავრობის ადმინისტრაციის გადაწყვეტილებას და ვწყვეტთ სარეპეტიციო პროცესს, აღნიშნული ვადით! ამ ხნის განმავლობაში, პროფილაქტიკის მიზნით, ჩვენს ყველა ფილიალში ჩატარდება სპეციალური სადეზინფექციო სამუშაოები‼️
ამ ორი კვირის განმავლობაში გაცდენილი რეპეტიციები, ჩვენი მხრიდან აუცილებლად ანაზღაურდება“, – აცხადებს ანსამბლი.
კომენტარები