ისრაელის მთავრობის გადაწყვეტილებით საკარანტინო ღონისძიებების პარალელურად, იუერუსალიმის აღდგომის ტაძარში შესაძლოა, წმინდა ცეცხლის გადმოსვლის ცერემონიალი გააუქმონ. ამის შესახებ წერს რია ნოვოსტი.
საინფორმაციო სააგენტოსთან ისრაელი მთავრობის ერთ-ერთი წარმომადგენლის თქმით, სამშაბათს ისრაელის პოლიციაში უნდა ჩანიშნულიყო შეხვედრა წმინდა ცეცხლის გარდამოსვლის ცერემონიალის ორგანიზების საკითხზე, რომელსაც სხვადასხვა ქვეყნიდან ათიათასობით ჩამოსული ქრისტიანი ესწრება. გავრცელებული ინფორმაციით, კორონავირუსის გავრცელების საფრთხის გამო, წმინდა ცეცხლის ცერემონიალი შესაძლოა, არ გაიმართოს, რისი მიზეზიც არის ის, რომ ებრაელთა ამჟამინდელი განკარგულებით იკრძალება თავყრილობები, რომელსაც 5000-ზე მეტი ადამიანი ესწრება. აღნიშნული შეზღუდვა 23 მარტამდე მოქმედებს, რომელიც სიტუაციის გამწვავების შემთხვევაში კიდევ გახანგრძლივდება
რუსულ მედიასთან საუბარში ისრაელის პოლიციის ოფიციალურმა პირებმა განაცხადეს, რომ საბოლოო გადაწყვეტილება ზემოხსენებულ საკითხთან მიმართბით ამ დრომდე არ მიუღიათ.
შეგახსენებთ, რომ ისრაელის ხელისუფლებამ კორონავირუსის შესაკავებლად ორი კვირის განმავლობაში დაკეტა ქრისტეს შობის ტაძარი. მთავრობის გადაწყვეტილების თანახმად, საზღვარგარეთიდან ჩასულ ყველა ადამიანს ორკვირიანი კარანტინის გავლა მოუწევს.
წელს წმინდა ცეცხლის გადმოსვლის ცერემონიალი 18 აპრილს უნდა გაიმართოს, რომელიც ყოველ წელს ქრისტეს საფლავზე იმართება.
კომენტარები