“კონკრეტული გვარებია, რომლებმაც უნდა დატოვონ საპყრობილე და საქმე უნდა შეწყდეს”

„ნაციონალური მოძრაობის“ თავმჯდომარის, გრიგოლ ვაშაძის განცხადებით, ხელისუფლებასთან შეხვედრაზე იყო იმ კონკრეტულ გვარებზე საუბარი, ვინც საპატიმრო უნდა დატოვოს და „ხელისუფლება ამბობს იმას, რაც ხელისუფლებამ უნდა ილაპარაკოს შექმნილ ვითარებაში“.

„იყო კონკრეტულ გვარებზეც საუბარი, რომლებმაც უნდა დატოვონ საპყრობილე და რომლის საქმეებიც უნდა შეწყდეს, იმიტომ რომ ისინი არიან პოლიტმოტივირებულები. ხელისუფლება ამბობს იმას, რაც ხელისუფლებამ უნდა ილაპარაკოს შექმნილ ვითარებაში, ოპოზიცია ამბობს იმას, რაც ოპოზიციამ უნდა ილაპარაკოს, საქართველოს მოქალაქე და საერთაშორისო თანამეგობრობა კიდევ აკვირდება იმას, რამდენად პატიოსნად შეასრულებს ორივე მხარე აღებულ ვალდებულებებს

დღეს ჩვენ გვაქვს ერთი საქმე გასაკეთებელი, ეს არის ის, რომ ამ შეთანხმებაზე დანარჩენმა პარტიებმა სურვილის მიხედვით ან უნდა მოაწერონ ხელი ან არ უნდა მოაწერონ. ჩვენ ეს ორი ხელმოწერილი დოკუმენტი უნდა გადავცეთ ევროკავშირის მისიას, სადაც ამ დოკუმენტებს შეინახავენ. ეს არის პირველი საკითხი.”