კობახიძე წავიდა იქ, სადაც ქვეყნის ხვალინდელი დღე იგეგმება – ვოლსკი

ქართული ოცნების გუნდის ერთ–ერთმა ლიდერმა, გია ვოლსკიმ ჟურნალისტებთან განაცხადა, რომ ამ ქვეყნის მომავალი, თურმე, იქ წყდება და იგეგმება, სადაც თურქმენეთი, რუსეთი, თურქეთი, სომხეთი, ყირგიზეთი, ტაჯიკეთი, უზბეკეთი, ერაყი, უნგრეთი და პაკისტანია შეკრებილი.

“აშხაბადის შეხვედრა არის ჩვენთვის საგანგებო მნიშვნელობის. თუკი ვამბობთ ოკუპაციას, რასაკვირველია, ყველამ იცის, ვინ არის ოკუპანტი. ერთადერთი ქვეყანაა საქართველო, რომელსაც დიპლომატიური ურთიერთობა არ აქვს რუსეთთან. თავის მართლება აქ საჭირო არაა, ზუსტად ამიტომაა პრემიერ-მინისტრი წასული, სადაც საქართველოს ხვალინდელი დღე წყდება და იგეგმება. თუკი ამაში მონაწილეობს პუტინი, ეს იმას არ ნიშნავს რომ პრემიერ-მინისტრი არ უნდა შეხვდეს აზერბაიჯანის პრემიერ-მინისტრს. თუკი პრეტენზიები გვაქვს თურქმენეთთან, ან მართვის სტილთან, ეს იმას არ ნიშნავს, რომ ჩვენი ინტერესებით არ უნდა ვიხელმძღვანელოთ, როდესაც ამის მაგალითებს ვხედავთ. თუკი ჩვენ ჩინეთთან ვთანამშრომლობთ, ეს იმას არ ნიშნავს, რომ ევროპის კრიტიკას ავყვეთ, როდესაც თავად ჩადიან ჩინეთში და უშველებელ ხელშეკრულებებს დებენ.”