“კობახიძე დაბრუნდა დღეს პარლამენტის თავმჯდომარედ – “ოცნება” მზადაა “დაარტყას” პრეზიდენტს, რასაც კუჭავა არ იკადრებს” – კორძაია

დეპუტატი, თამარ კორძაია, ტვ პირველთან სამთავრობო ცვლილებებს, კერძოდ, პარლამენტის თავმჯდომარის პოსტზე კახა კუჭავას შალვა პაპუაშვილით ჩანაცვლებას ეხმაურება და ამბობს:ა

“ამ შემთხვევაში ქართულმა ოცნებამ თქვა, რომ არავითარი მაგიდასთან ჯდომა, იმიტომ რომ ბატონი შალვა არ გამოირჩევა მოლაპარაკებების უნარით, ის არის კობახიძის ფრთა. მე ვფიქრობ, ირაკლი კობახიძე დაბრუნდა დღეს პარლამენტის თავმჯდომარედ. ესენი არიან ერთი გუნდი – ეს ჩანს პარლამენტში, ის აგრესიული რიტორიკა რაც აქვს ირაკლი კობახიძეს, აქვს შალვა პაპუაშვილსაც და სხვებსაც.

ფაქტია, რომ ეს გადაწყვეტილება არ არის მათი მხრიდან შემთხვევით მიღებული და მგონია, საპასუხო გადაწყვეტილებაა პრეზიდენტის მიერ დაწყებულ ინიციატივაზე. მე მგონია, რომ ქართულმა ოცნებამ დღევანდელი გადაწყვეტილებით, გამოხატა მზადობა, რომ საჭიროების შემთხვევაში მზადაა დაარტყას პრეზიდენტს, რასავ კუჭავა არ იკადრებს.

ცხადია, პასუხია, ცალსახად, როდესაც პარლამენტის თვამჯდომარე იცვლება, ყველგვარი ახსნა-განმარტების გარეშე, თან ისეთი პარლამენტის თვამჯდომარე, რომელზედაც ცუდი არავის უთქვამს, ოპოზიციაშიც კი, ყველასთვის მისაღები იყო, ადამიანი, რომელიც უცხოელებთან პოპულარული იყო, ჩვენი პარტნიორები მასთან თავს კარგად გრძნობდნენ და პატივს სცემენ.

მე არ მახსოვს პაპუაშვილის ერთი განცხადება მაინც, რომ აი, რაღაცა შეგვეშალა. ასეთი ადამიანის მოყვანა პარლამენტის თავმჯდომარედ, არ შეუწყობს პროცესს ხელს.”