ფოტო – unian.net
კიევში, სასამართლოსთან პეტრო პოროშენკოს მხარდამჭერ აქციაზე არეულობაა – პოლიციამ ცრემლსადენი გაზი გამოიყენა, დაპირისპირება ქვეყნის მეხუთე პრეზიდენტის მომხრეებსა და სამართალდამცავებს შორის მოხდა. დააკავეს აქციის რამდენიმე მონაწილეც.
ადგილზე შეკრებილმა მოქალაქეებმა კასრები მიიტანეს და ცეცხლის დანთება გადაწყვიტეს – ამას მოჰყვა სიტუციის დაძაბვა.
დღეს სასამართლომ პეტრო პოროშენკოსთვის აღკვეთის ღონისძიების შეფარდებაზე გადაწყვეტილება უნდა გამოაცხადოს. გამოძიება პოროშენკოს წინააღმდეგ ტერორიზმის დაფინანსების, სახელმწიფო ღალატის და ტერორისტული ორგანიზაციის შექმნის მუხლებით მიმდინარეობს. საქმე ეხება ოკუპირებული დონეცკისა და ლუგანსკის ტერიტორიებიდან ქვანახშირის არალეგალურ გატანას.
კომენტარები