საქართველოს მართლმადიდებელი ეკლესია 142-ე კათოლიკოს-პატრიარქს ხვალ აირჩევს. გაფართოებული კრება, სამების საკათედრო ტაძარში 13:00 საათზე დაიწყება. ამ წუთებში კი, სამების ტაძარში საპატრიარქო ტახტის მოსაყდრე მიტროპოლიტი შიო მუჯირი წირვას აღასრულებს, ღვთისმსახურების დასრულების შემდეგ კი, მრევლს ქადაგებით მიმართავს.
წირვის შემდეგ სამების საკათედრო ტაძარში გაფართოებული კრების სამზადისი დაიწყება. უკვე ცნობილია, რომ კრებაზე სიტყვით გამოსვლის შესაძლებლობა ექნებათ 3 საპატრიარქო კანდიდატის ეპარქიების წარმომადგენლებს, ასევე, თითოეული ეპარქიის დელეგატებს. ამის შემდეგ გაიმართება კენჭისყრა, რომელშიც მონაწილეობას მიიღებენ მხოლოდ მღვდელმთავრები. გაფართოებული კრება, რომელსაც 2 000-მდე დელეგატი დაესწრება, პირდაპირ ეთერში არ გადაიცემა.
კომენტარები