დღეს, ხურვალეთის საჯარო სკოლაში დაგეგმილი ტრენინგი ჩაიშალა. პოლიციამ სოფელში ის ტრენერები არ შეუშვა, რომლებსაც მოსწავლეები ელოდებოდნენ.
სკოლის წარმომადგენლებს დაგეგმილი ჰქონდათ შეხვედა გარემოსდაცვითი ორგანიზაციების წარმომადგენლებთან. ტრენერები ხურვალეთის საგუშაგოზე არ გაატარეს.
შეხვედრის ორგანიზატორის, ირმა კიტრიაშვილის განცხადებით, ტრენინგი ერთი კვირით ადრე იყო დაგეგმილი და ამის შესახებ სკოლისთვისაც იყო ცნობილი.
მიუხედავად ამისა, საქართველოს შს სამინისტროს სახელმწიფო უსაფრთხოების სამსახურმა მიმართვა უპასუხოდ დატოვა.
ცნობისათვის, საქართველოს შს სამინისტრომ შეზღუდვები ჯერ კიდევ 2019 წლის შემოდგომიდან დააწესა. გამყოფი ხაზის მიმდებარე სოფლებში დიდი ხანია არ უშვებენ ჟურნალისტებს.
ქართლი.ჯი
კომენტარები