“ხშირად ისმის, ამდენი ხანი როგორ შეიძლება კვდებოდეს? რატომ არ მოკვდა აქამდე?” – ხერხეულიძე

პოლიტიკოსი, ეკა ხერხეულიძე, “ტვ პირველთან” ამბობს:

-ხშირად ისმის არაადამიანური გამოძახილი, თუ კვდება ადამიანი, ამდენი ხანი როგორ შეიძლება კვდებოდეს? რატომ არ მოკვდა აქამდე თუ მძიმე იყო მდგომარეობა? – იმდენად უხერხულ მდგომარეობაში ვვარდები, როცა ასეთ განცხადებებს ვისმენ… მძიმე მდგომარეობაში მყოფი ადამიანი ბევრი გვინახია ბევრი წელი. ასეთი არაადამიანური ფრაზები სურვილს მიჩენს, ერთი დღის ქრონიკა მაინც გამოაქვეყნონ კამერებიდან და ანახონ საზოგადოებას, ან ვივამედში შესვლამდე მდგომარეობა ანახონ და იმ ადამიანებმა, რომლებიც ასე უხეშად გამორჩევიან მისი ჯანმრთელობის მდგომარეობის მიმართ, მერე შეინარჩუნონ ადამიანურობა და ნახონ, როგორია მსი მდგომარეობა – კრიტიკულზე კრიტიკულია, წარმოუდგენელია, თუ ვივამედში თავისი ფეხით შევიდა – დღეს ფეხზე ვერ დგება. დღის უმეტესი ნაწილი წევს.

მე არ ვიცი, მძიმეს რას ეძახიან? ეს არ არის ის მდგომარეობა რომელიც შეიძლება ადამიანმა აიტანოს მკურნალობის გარეშე, ჩვენ ხომ დიაგნოზის, მკურნალობის პრობლემა გვაქვს.

ინგა გრიგოლია:

–რამის თავი აქვს დღეს ოპოზიციას?

ეკა ხერხეულიძე:

ოპოზიციას რამის თავი რომ არ ჰქონდეს დღეს საქაღტველოს პოლიტ. პატიმრები არ ეყოლებოდა. ეს არის ის წინააღმდეგობის გზა, რომელსაც უნდა დასუსტდება და მიხეილ სააკაშვილის პატიმრობა ნაციონალურ მოძრაობას ასუსტებს.

ინგა გრიგოლია:

–ის ხომ გაიწია ნაციონალური მოძრაობიდან?

ეკა ხერხეულიძე:

–გაიწია რას ნიშნავს? ყველაზე ხშირი კონტაქტი მაქვს და ძალიან კარგად ვიცი, საიდანაა გაწეული. სასიცოცხლო ინსტიქტებიდანაა ადამიანი გაწეული და ვერანაირ პოლიტიკურ ცხოვრებაში მონაწილეობას ვერ მიიღებს. იმის გამო, რომ ოპოზიციას აქვს უნარი დაასუსტოს ბიძინა ივანიშვილი, მას ჰყავს პოლიტ. პატიმრები და ესენი არიან მიხეილ სააკაშვილი და ნიკა გვარამია. სააკაშვილის ჯანმრთელობის მდგომარეობა არის სავალალო და იგივე წინააღმდეგობას ვერ გაწევს, მაგრამ მიშა აქტორი ყოველთვის იქნება, ჯანმრთელობაგანადგურებული და ძლიერი ჯანმრთელობითაც, იმიტომ რომ ის არის მიშა სააკაშვილი.